5. Mose 12:12 - O Debleskro Lab 2024 (Sinte-Manouche)

¹² Kote glan t'maro baro Debleste avenn barhteles, t'mer oun t'mare čave oun ča oun t'mare boudepangre, morsha oun djouvya, ninna i Levitarya, kay djivenn an t'mare forya, kolen kek them mank t'mende hi.

O Debleskro Drom 2021 (Sinte)

¹² Kote glan tumaro baro Debleste awenn bachteles, tumer un tumare tchawe un tcha un tumare budepangre, mursha un djuwja, ninna i Levitarja, kai djiwenn an tumare forja, kolen kek them mank tumende hi.

5. Mose 12:12 Referans Kwoze

5. Mose 12:7

Oun t'mer oun t'mare familye rhan i rhapen kote glan t'maro baro Debleste, oun avenn barhtelo pral halauter, hoy t'menge khetne anan, ap koleste t'maro baro Devel peskri barht čivas.

5. Mose 26:12

Hako triinto bersh aness tou o deshto kotar khetne halauterestar, hoy ap tiri phoub bares vas. Oun tou dess les i Levitaryen oun i vi-themaryen oun kol čaven, kolen kek dad bouder hi, oun kol romyen, kolengro rom meras, te vell yon ninna doha rhapaske an tiro foro.

5. Mose 10:9

Doleske vell i Levitaryen kek them har lengre phralen. Kova hoy yon lenna, vell dran lengri boudi o baro Debleske. Kova penas lenge t'maro baro Devel.

5. Mose 14:29

Palle nay venn i Levitarya, kolen kek phoub hi, kay an tiro foro djivenn, ninna i vi-themarya, i čave, kolen kek dad bouder hi, oun i djouvya, kolengro rom meras, oun yon te rhan oun venn čales. Te krenn t'mer yaake, čivell t'maro baro Devel peskri barht ap halauter, hoy krenna.

5. Mose 12:19

Ma bistrenn i Levitaryen oun denn lende, hoy len hounte vell, yaake rah har an t'maro them djivenn.

Debleskri gili 147:1

Halleluya! Sharenn o baro Debles! Lačo hi, te givas gilya maro Debleske! Shoukar oun mishto hi, te bashras leske.

2. Familjakro liil 29:36

O Hiskiya oun i tsele Israelitarya his barhtelo pral kova, kay moukas o baro Devel peskre menshen kava lauter te krell. Kek patsas, kay kova yaake sik vella.

1. Rajengro liil 8:66

Oun o vavar dives moukas o Salomo i menshen khere te djal. Oun yon parkran pen pash leste oun djan barhteles khere. Lengro dji givas pral ko tselo lačepen, hoy kras o baro Devel ap leskro boudepaskro, o Davideste, oun ap peskre menshende Israel.

Josua 14:4

Hakeno o Yosefeskre douy čavendar vas yek bari familya: o kheer Manasse oun o kheer Efrayim. Oun o kheer Levi las kek kotar them, kokres forya, kay le dren djivenn, oun koy phoub, kay lengre firhe rhan.

Josua 13:33

I menshenge dran o kheer Levi vas kek kotar them dino. Kova, hoy len hounte vell djipaske, vell lengro baro Deblestar, kay o Israeleskro Devel hi. Yaake penas lo lenge.

4. Mose 18:20

Oun o baro Devel penas ap o Aroneste: Ap ko tsiro, kay venn i Israelitarya an lengro them, leh tou kek kotar phoub, hoy djal o dadestar ap o čaveste doureder, yaake har kova i vavar Israelitarya lenna. Me hom tiro, oun hom tiro bravlepen.

Josua 13:14

I menshenge dran o kheer Levi vas kek kotar them dino. Yon lenn pengro kotar kol firhendar, hoy i Israelitarya o baro Debleske anenna, kay o Israeleskro Devel hi. Yaake vell kova, hoy i Levitaryen hounte vell djipaske, o baro Deblestar. Yaake penas lo les lenge.

4. Mose 18:26

Pen ap i Levitarya: Te anenn t'men i Israelitarya o deshto kotar kolestar, hoy ap lengre harhetikri phoub bares vas, – kova hi, hoy dau t'menge, – palle hounte denn t'mer kolestar mande ninna o deshto kotar.

5. Mose 18:6

Te kamell i Levitari ko foro te moukell, kay djivell lo an Israel, oun kamell ap koy platsa te djal, hoy o baro Devel peske vi-rodell,

5. Mose 16:14

rhan oun avenn barhtelo, t'mer oun t'mare čave oun ča, t'mare boudepangre oun i Levitarya oun vi-themarya, kay pash t'mende djivenn, ninna i čave, kolen kek dad bouder hi, oun kol djouvya, kolengro rom meras.

Johanni 13:8

Penas o Petro ap leste: “An kek tsiro kamau me, te thovess mire pire!” “Te thovau tout gar,” penas o Yezous, “hal tou gar miro.”

Bičepangre 8:21

Kava koova, hoy mer krah, hi o Debleskro koova oun gar tiro koova. Tiro dji hi gar čačo glan o Debleste.

5. Mose 12:18

Kova vell anlo glan t'maro baro Debleste ap koy platsa, hoy yob peske vin rodell. Kote rhan t'mer les, t'mer oun t'mare čave oun ča, oun t'mare boudepangre, morsha har djouvya, oun i Levitarya, kay pash t'mende djivenn. Avenn barhtelo glan t'maro Debleste pral halauter, hoy t'mare vastentsa khetne lan.

5. Mose 26:11

Ab barhtelo pral ko tselo lačo koova, hoy yob tout oun tiri familya das. De ninna kolestar kol Levitaryen oun kol vi-themaryen, kay mank t'mende hi.

Nehemia 8:9

Oun i tsele menshe rovan, har shounan le kol laba, hoy an o Moseskro liil tardo his. Oun o Nehemia, kova his o moskro pral o foro Yerusalem, oun o rashay Esra, kova his o sikepaskro, oun kol Levitarya, kay i menshenge penan, hoy o Debleskro lab kamell te penell, kolla penan ap lauterende: “Kava dives hi i baro dives o baro Debleske, kay t'maro Devel hi. Doleske moukenn t'mare djia gar phares te vell! Oun ma rovenn!”

3. Mose 23:40

Ap o ersto dives lenn shoukar roukengre, hoy ap i rouka bares van, ninna palmtikre patria, pappeltikre kashta pengre patyentsa oun vavar kashta boud patyentsa, oun avenn efta divessa barhteles glan t'maro baro Debleste.

5. Mose 27:7

oun vavar, kolengro rat leske vin čoredo vell, oun kolengro mass t'mer khetne rhan, oun barhteles han glan leste.