5. Mose 10:14 - O Debleskro Lab 2024 (Sinte-Manouche)

¹⁴ O baro Debleske hi o bolepen, lauter hoy an o pralstunepen hi. Oun ninna i phoub oun lauter hoy dren hi, hi leskro.

O Debleskro Drom 2021 (Sinte)

¹⁴ O baro Debleske hi o bolepen, lauter hoi an o pralstunepen hi. Un ninna i phub un lauter hoi dren hi, hi leskro.

5. Mose 10:14 Referans Kwoze

2. Mose 19:5

Kanna shounenn: Te rikrenn t'mer lauter, hoy me t'menge penau, oun shounenn ap mire tsele laba, palle han t'mer mange koučeder har i tsele vavar menshe ap kay phoub. Ninna te hi i tseli phoub miro, han t'mer kokres mire menshe,

Debleskri gili 24:1

I gili o Davidestar. O baro Debleske hi i phoub oun lauter, hoy koy pre hi, ava, i tseli phoub oun kolla, kay kote djivenna.

Debleskri gili 115:16

O bolepen hi o baro Debleske kokres. I phoub das yob i menshende.

Nehemia 9:6

Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.

Debleskri gili 148:4

Tou, o pralstouno bolepen, share les! Tou, o pani, hoy pral o bolepen hi, share les!

1. Rajengro liil 8:27

Nay vell čačo, kay o Devel kamell te djivell ap i phoub? O tselo bolepen hi gar bares doha leske. Har nay krals kova kava kheer, hoy me moukom te krell?

Debleskri gili 50:12

Te vals man bok, me penoms touke kova gar. I tseli phoub hi miro oun lauter, hoy ap late hi, ninna.

2. Familjakro liil 6:18

Nay vell čačo, kay o Devel kamell te djivell pash i menshende ap i phoub? O tselo bolepen hi gar bares doha, te rikrell lo tout. Har nay krals kova kava kheer, hoy me moukom te krell?

2. Mose 9:29

O Mose penas leske: “Yaake sik har djom dran o foro vin, kamau mire vasta pre te hadell ap o baro Debleste. Palle dell o bolepen bouder kek gole, oun kek barrengro brishin perell bouder, te dikess oun hayvess, te hi i phoub o baro Debleske.

1. Korintarja 10:28

Kova hi vavarčandes, te penell t'menge yek: “Kava rhapen vas i debleste dran kasht oun bar dino.” Palle ma rhan ko mass, te vell koleskro dji gar djoungeles, kay kova t'menge penas. Yob nay penals: “Hi mishto, te rhap ko rhapen.”

1. Korintarja 10:26

Djinenn, i phoub oun lauter, hoy koy pre hi, hi o Debleskro.

Jesaja 66:1

O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

1. Mose 14:19

Oun yob sharas o Abrames oun penas: “Tou, Abram, ap toute hi čiddo i zoor oun i barht ko Deblestar, kay hi o Devel pral halauter oun kras o bolepen oun i phoub.

Bičepangre 17:24

Ko Devel kras o bolepen oun i phoub, oun lauter, hoy koy pre hi. Yob hi o ray pral o bolepen oun i phoub. Yob djivell gar an i Debleskre khera, kay i menshe pengre vastentsa kran.

2. Korintarja 12:2

Me prindjrau i menshes, kay djivell o Yezous Kristeha. Kova vas glan deesh-te-star bersha an o triinto bolepen dren anlo. His lo čačepah koy pral? Me djinau les gar. Dikas lo kova an i souni? Me djinau les gar. Kova djinell o Devel kokres.

5. Mose 10:13

Djib pal leskro lab, oun rike leskre čačepaskre laba, hoy touke kava dives penau. Palle djal touke mishto.

5. Mose 33:26

Israel, kek devel hi har tiro Devel. Pherdo raylepen hi lo beshdo ap volke oun djal pral o bolepen, te vell lo ap tiri rig.

Hiob 41:11

Dran leskro mouy vell yag, ava, yagakre kotya denn vin karye.

Debleskri gili 68:33

T'mer themma ap kay phoub, givenn o Debleske, bashrenn leske, maro rayeske!

1. Mose 14:22

Koy penas o Abram ap leste: “Me dau man sovel glan o baro Debleste, kay hi o Devel pral halauter, oun kras o bolepen oun i phoub: