5. Mose 1:21 - O Debleskro Lab 2024 (Sinte-Manouche)

²¹ Yob das kava them an t'mare vasta. Djan koy oun lenn les dren, te vell lo t'maro, yaake har penas t'menge o baro Devel, ko Devel, kones t'mare phoure an-mangan. Ma trashenn oun moukenn t'menge kek daar te krell!”

O Debleskro Drom 2021 (Sinte)

²¹ Job das kau them an tumare wasta. Djan koi un lenn les dren, te well lo tumaro, jaake har penas tumenge o baro Dewel, ko Dewel, kones tumare phure an-mangan. Ma trashenn un mukenn tumenge kek daar te krell!”

5. Mose 1:21 Referans Kwoze

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”

Hebrearja 13:6

Yaake hounte daras gar oun nay penah: O Devel hi ap miri rig, me hounte darap gar. Hoy nay krell i mensho ap mande?

Debleskri gili 46:1

I gili yekestar, kay hi dran i familya Korah. Kay gili hi o rayeske pral i gipangre, te givell lo lat har koy gili terne ča.

4. Mose 13:30

Har i menshe kova shounan, trashan le oun čingran ap o Moseste. Koy das o Kaleb len trad, oun penas: “Avenn, mer djah kote, oun lah ko them menge! Mer nay ham zorleder har yon.”

Louka 12:32

Ma darenn! Kate han t'mer gar boud oun gar an-diklo. O Devel, kay hi t'maro dad an o bolepen, kova kamella, te lenn t'mer leskro bravlepen oun raylepen.

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Debleskri gili 46:11

“Moukenn tele”, dell lo gole, “oun hayvenn, te hom me o Devel. Me hom o pralstouno pral i menshende an i tsele themma, ava, o pralstouno pral i tseli phoub.”

Debleskri gili 46:7

Yob te dell gole, darenna i menshe an i vavar themma, oun bare rayenge vell i zoor krik lino pral pengre themma. I tseli phoub trissella i daryatar.

Josua 1:6

Ab zoreles oun ma traash! Tou dess kal menshen pengro them, kay me man sovel dom glan lengre phourende, te dap len kova!

5. Mose 20:1

Te djan t'mer vin an o kourepen, te kourenn t'men kolentsa, kay kamenn t'men gar an o them, oun t'mer dikenn lengre graya oun kourepaskre vourdya oun lengre lourden, kay hi boud boudeder har t'mer, palle ma darenn lendar! T'maro baro Devel hi t'mentsa, kova kay t'men dran o them Egiptia vin anas.

5. Mose 1:20

Kote penom t'menge: “Kanna ham tardo glan o pralstouno them, kay i Amorarya djivenn. Kava them dell t'men maro baro Devel.

5. Mose 9:23

Oun har bičras o baro Devel t'men dran o foro Kadesh-Barnea vin oun penas: “Djan pre oun lenn o them t'menge dren, hoy me t'men dom”, koy shounan gar ap leste, oun patsan les gar oun kran gar, hoy lo t'menge penas.

Nehemia 9:15

Oun maro dran o bolepen dal tou len, har len bok his. Oun moukal lenge dran o baro bar pani vin nashell, har len troush his. Oun tou penal lenge, te djan le koy oun lenn o them dren. Ko them koleske tou tiro vast hadal, oun dal tout sovel, te dess len ko them.

5. Mose 7:18

Palle ma darenn lendar! Ma bistrenn, hoy t'maro baro Devel ap o Farao oun ap i tsele Egiptarya kras.

5. Mose 7:21

Doleske, ma dare lendar! T'maro baro Devel hi mashkral t'mende, ko baro zorelo Devel, glan koleste hakenes i daar taprell.

5. Mose 20:3

“Morshale dran Israel, shounenn! T'mer djan kava dives an o kourepen, te kourenn t'men kolentsa, kay kamenn t'men gar an o them. Avenn zorelo! Ma darenn lendar! Oun ma moukenn t'men traash te krell!

5. Mose 31:6

Avenn zoreles oun ma trashenn! Ma darenn či oun trashenn kekestar! T'maro baro Devel hi kova, kay djal t'mentsa. Yob ačell pash t'mende oun moukell t'men gar kokres.