4. Mose 6:24 - O Debleskro Lab 2024 (Sinte-Manouche)

²⁴ Mou dell tout o baro Devel barht oun zoor, oun dell garda ap toute!

O Debleskro Drom 2021 (Sinte)

²⁴ Mu dell tut o baro Dewel bacht un soor, un dell garda ap tute!

4. Mose 6:24 Referans Kwoze

1. Tessalonikarja 5:23

O Devel kras i drom, te vas pash leste. Lestar mangau, te krell lo t'maro tselo djipen djoudjo glan leste, te rikrell lo t'men an peskre vasta, yaake te hatsell lo kek doosh ap t'mende ap ko dives, kay vell maro ray, o Yezous Kristo, pale.

Filiparja 4:7

Palle dell o Devel t'men peskri barht an o dji. Leskri barht hi yaake baro, kay nay hayvah kova gar. Oun o Yezous Kristo rikrell t'maro dji, oun lell t'mari daar krik.

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.

Jesaja 42:6

Me, o baro Devel, dom tout gole, te aness o čačepen pash i menshende. Me taprom tout pash tiro vast. Oun me dau yak ap toute. Tou vess o rakepaskro, kay krell i menshentsa vin, te vap lengro Devel; oun vess i menshenge an i tsele themma i momeli, hoy sikrell len o drom pash mande.

Johanni 17:11

An i tikno tsiro hom bouder gar ap kay phoub. Me vau pash toute. Yon hi ap kay phoub. Miro dad, tou hal o baro Devel, rike len an tire vasta, te ačenn yon pash toute, te venn yon yek, yaake har mer ham!

Debleskri gili 91:11

Yob kokres penas ap peskre bolepangre, te denn le yak ap toute ap tire tsele dromma,

Debleskri gili 134:3

O baro Devel, kay o bolepen oun i phoub kras, hi khere ap i berga Sion. Foun kotar mou čivell lo peskri barht ap toute!

Ruth 2:4

Pal i tsiro vas o Boas dran o foro Betlehem oun penas ap peskre boudepangre, kay o djob činenn: “O baro Devel vell t'mentsa!” Oun yon penan ap leste: “O baro Devel dell tout peskri barht!”

Debleskri gili 17:8

Rike tiro vast pral mande, yaake har te voms tiri yak. Khate man yaake har i čirklo peskre čaven tel peskre moussya khatrell!

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.

1. Petro 1:5

kay patsenn ap leste. O Devel rikrell t'men an peskro zorelo vast, bis te vell ko dives, kay lell t'men o Yezous Kristo dran i tseli bibarht vin. Palle dikenn t'mer har shoukar kova hi, hoy les t'menge hi.

Filiparja 4:23

O lačepen maro rayestar, o Yezous Kristestar, vell pral t'mende!

Efesarja 6:24

O Debleskro lačepen vell pral lauterende, kay kamenn maro rayes, o Yezous Kristes, o tselo djiyeha! Yob dell len o djipen, hoy gar pre-herella!

Debleskri gili 28:9

Ab ap i rig tire menshenge! Čip tiri zoor oun tiri barht ap mende, kay tiro ham! Ab hako tsiro har i bakrengro menge, kay dell yak ap peskre bakrende oun dell len lauter, hoy len hounte vell djipaske!

Jesaja 27:3

Me, o baro Devel, dau ap leste yak, oun dau les pale te pale pani. Kek tsiro moukau les dran miro yak, yaake te nay krell les kek čomone.

1. Korintarja 14:16

Te shareh tou o Debles an i rakepen, hoy o Debleskro Dourho tout das, oun koy hi yek, kay hayvell kova gar, har nay penell yob Amen ap kova, hoy tou penal?

1. Mose 28:15

Tou djiness, me hom touha oun dau garda ap toute, kote, kay tou djah. Oun anau tout pale an kava them. Me moukau tout gar, bis te krom halauter, hoy touke penom.”

2. Samuel 7:29

Kanna čip tiri barht pral mande oun mire menshende, te ačenn le glan toute hako tsiro, yaake har tou baro Devel, miro ray, rakral. Mouk te vell tiri barht oun tiri zoor ap mire menshende hako tsiro!”

Daniel 9:17

Kanna, maro Devel, shoun miro mangepen! Shoun har me, tiro boudepaskro, ap toute rovau. Dik pale lačes ap tiro kheer, hoy khetne dino koy čiddo hi. Kre kova, te djinell hakeno, tou hal o čačo Devel!