4. Mose 6:20 - O Debleskro Lab 2024 (Sinte-Manouche)

²⁰ Palle lell o rashay kova an peskre vasta oun hadell les pre, te dell lo les o baro Debleste. Ko koova, khetne o beč oun i palstouni heri o bakrestar, hi o rashayeske. Koy pal nay piyell kova, kay i tsireske o Debleske koy his, pale mool.

O Debleskro Drom 2021 (Sinte)

²⁰ Palle lell o rashai kowa an peskre wasta un hadell les pre, te dell lo les o baro Debleste. Ko koowa, khetne o betch un i palstuni heri o bakrestar, hi o rashajeske. Koi pal nai pijell kowa, kai i tsireske o Debleske koi his, pale mool.

4. Mose 6:20 Referans Kwoze

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

4. Mose 5:25

Palle lell ko rashay ko yarro dran lakro vast, te hadell lo les pre glan o Debleste. Oun yaake sikrell lo: Kova hi o baro Debleske.

Johanni 19:30

Har piyas o Yezous koy shoutli mool, penas lo: “Me krom lauter, hoy hounte krom.” Oun yob čivas peskro shero glan tele, oun meras.

Markus 14:25

Čačepah, me penau t'menge: Me piyau bouder gar i mool, bis te vell ko dives, kay hi o Devel o ray pral halauter. Palle piyau nevi mool pash leste an o bolepen.”

Mateo 26:29

Oun me penau t'menge: Me piyau bouder gar i mool, bis te vell ko dives, kay me piyau nevi mool t'mentsa khetne pash miro dadeste an o bolepen.”

Zakarie 10:7

Oun i morsha dran o kheer Efrayim hi palle zorelo har bare kourepangre, oun barhtelo har kolla, kay piyan mool. Lengre čave dikenn kova oun denn gole i barhtyatar. Lengro dji givell dran kova, hoy o baro Devel kras.

Zakarie 9:17

Ava, har raylo oun shoukar vell kova! I čave venn zorele terne morsha oun djouvya, yaake boud djob oun mool hi koy.

Zakarie 9:15

O baro Devel, ko ray pral o bolepen oun i phoub, rikrell peskre vasta pral peskre menshende. Yon venn i zorleder oun stakrenn i barra tele, hoy ap lende vitsedo van. Yon piyenn oun denn gole har te vans le mato i molyatar. Yon venn yaake pherdo rat, har i čaro pherdo firhengro rat hi, hoy vell vin čoredo o Debleske ap leskri rhačepaskri, oun hoy nashell pral i rigya tele.

Jesaja 35:10

Kolen, kay yob dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jesaja 25:6

Kate ap i berga Sion moukell o baro Devel, ko ray pral o bolepen oun i phoub, i menshenge an i tsele themma i lačo rhapen glan te čivell; i rhapen thoullo masseha oun lači phouri mool, ava, vi-rodedo lačo mass oun vi-rodedi phouri mool.

4. Mose 18:18

Lengro mass hi touke, yaake har ko beč oun koy čači heri, te rhan t'mer kova khetne glan mande.

3. Mose 23:11

Yob hadell kova pre glan o baro Debleste, te sikrell lo, kay kova o Debleske hi. Palle dikell o baro Devel lačes ap t'mende. Kova krell o rashay ap o dives pal o Debleskro dives.

3. Mose 10:15

Glan te rhan t'mer kova, venn koy palstouni heri oun kava beč čiddo pash kol kotya thulepen, hoy rhačedo venn. Kolentsa khetne venn le pre hadedo glan o baro Debleste. Pal kova hi kal kotya mass touke oun tire morsh čavenge. Yaake te vell kova kerdo hako tsireske. Kova penas o baro Devel.”

3. Mose 9:21

Kol bečeskre kotya oun i čače palstoune herya hadas o Aron glan o baro Debleste pre, te sikrell lo, kay kal tsele firhe o baro Debleske his. Yaake penas kova o baro Devel o Moseske.

3. Mose 7:34

O baro Devel penell i Israelenge, kay anenn leske i firhes, te rhan le les khetne glan leste, te denn le o beč oun i čači heri o rashayeste, o Aroneste, oun leskre morsh čavende. Kal kotya mass hi i rashayenge dran o kheer Aron hako tsireske foun ko dives, kay van le dren čiddo an pengri rashayengri boudi. Oun i Israelitarya hounte denn len i rashayende. Kava lab ačell yaake hako tsireske, hoy vella.

3. Mose 7:31

O rashay moukell o thulepen te rhačrell ap i rhačepaskri. I beč hi o Aroneske oun leskre morsh čavenge.

3. Mose 7:30

Peskre vastentsa hounte anell lo les, te vell lo rhačedo o baro Debleske: Ko thulepen oun ko beč. Ko beč vell pre hadedo glan o baro Debleste.

3. Mose 7:32

O čači heri kava firhestar hi ninna ko rashayeske,

4. Mose 6:21

Yaake hounte krell ko mensho, kay his i tsireske o Debleske koy, oun dell kava koova o baro Debleste, ninna ko vavar koova, hoy yob pes sovel das. Yaake har yob pes sovel das, yaake hounte krell yob ninna.