4. Mose 5:3 - O Debleskro Lab 2024 (Sinte-Manouche)

³ Morshen oun djouvyen hounte bičrenn vin glan koy platsa, kay t'mare plarhtene khera tardo hi, te krenn yon gar koy platsa pale-čiddo, kay me pash t'mende djivau.”

O Debleskro Drom 2021 (Sinte)

³ Murshen un djuwjen hunte bitchrenn win glan koi platsa, kai tumare plachtene khera tardo hi, te krenn jon gar koi platsa pale-tchiddo, kai me pash tumende djiwau.”

4. Mose 5:3 Referans Kwoze

5. Mose 23:14

Oun hakeno, kay djal kote, lell i kasht peha, hadell i tikni rheb vin, beshell pes, oun čakrell palle kova, hoy lestar vin djas.

Debleskro tsiro 21:27

Oun či vell kote dren, hoy an o Debleskre yaka pale-čiddo hi, vitar kek mensho, kay djoungelo koova krella oun rhorhella. Kolla venna an ko foro dren, kolengre laba an o terno bakreskro liil dren činlo hi. Kote hi kolla dren činlo, kay lenna o djipen, hoy gar pre-herella.

Debleskro tsiro 21:3

Oun me shounom i zorelo rakepen. Kova vas kotar, kay o Debleskro beshepaskro tardo hi, oun kova penas: “Dikenn, o Debleskro kheer hi pash i menshende! Yob djivell pash lende. Oun yon hi leskre menshe. Oun o Devel hi lengro Devel kokres, oun hi pash lende.”

Tito 3:10

Te dell yek mensho, kay anell čingepen mashkral i patslende, pen koleske, te moukell lo kova! Yob te moukell gar tele, pen kova leske i douyto kopo! Yob te shounell gar ap toute, palle rake bouder gar leha!

2. Tessalonikarja 3:6

Mire phrala, an o lab maro rayestar, o Yezous Kristestar, penah t'menge zoreles: Rikrenn t'men kol phralendar krik, kay kamenn gar te boudrell! Yon djivenn gar yaake, har mer t'menge penam.

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Debleskri gili 68:18

Boud zerya vourdya hi o Debles. Lentsa vas lo ap i berga Sinay, oun djal dren an peskro kheer.

1. Rajengro liil 7:3

Ap lende his 45 iseme, hoy his čakedo o cedertikro kashteha, deesh-te-panč an yek reiha.

4. Mose 35:34

Krenn ko them gar pale-čiddo, kay djivenn t'mer, oun kay ninna me djivau. Me hom o baro Devel, oun djivau mashkral t'mende.

4. Mose 19:22

Oun halauter, hoy ko pale-čiddo an-tapella, vell pale-čiddo. Oun koon koles an-tapella, kay pale-čiddo hi, hounte vell pale-čiddo bis ap i rati.

2. Mose 25:8

Kamau lendar, te krenn le mange i kheer, te djivap nay mashkral lende.

2. Mose 29:45

Oun me djivau mashkral i Israelitarya oun hom lengro Devel.

3. Mose 14:8

Kova, kay sasto vas, thovell peskre koola oun činell peskre tsele balla tele, oun thovell pes. Palle hi lo erligo, oun nay vell pale ap i platsa, kay i menshe djivenn. Efta divessa ačell lo vin glan peskro plarhteno kheer.

4. Mose 5:4

Oun kol Israelitarya kran kova yaake, oun bičran len vin glan i platsa, yaake har o baro Devel kova ap o Moseste penas.

4. Mose 16:3

Oun yon halauter van khetne pash o Mose oun o Aron, čingran ap lende oun penan: “T'mer krenn, har te vans bareder har mer vavar! O tselo kheer Israel hi o Debleskre menshe. Oun o baro Devel hi mashkral lende. Hoske hadenn t'mer t'men pral o baro Debleskre menshende?”

3. Mose 15:31

Oun o baro Devel penas ap o Mose oun ap o Aron: Denn i Israelitaryen trad, te ačenn le i kotar dour miro kherestar an ko tsiro, kay hi le pale-čiddo, te krenn le gar koy platsa pale-čiddo, kay me djivau mank lende, te merenn le gar.

5. Mose 23:15

T'maro baro Devel djal t'mentsa oun hi mashkral t'mende ap i platsa, te vell lo t'menge ap i rig, oun te krell lo t'men zorleder har kol vavar, kolentsa kourenn t'men. Doleske hounte vell t'mari platsa djoudjo. Kek vi-ladjedo koova te vell mank t'mende diklo, te djal lo gar peske t'mendar.