4. Mose 4:15 - O Debleskro Lab 2024 (Sinte-Manouche)

¹⁵ Ap ko tsiro, kay djan i Israelitarya doureder, hounte krenn o Aron oun leskre čave kava halauter oun hounte čakrenn kol tsele kotya o Debleskro plarhteno khereske oun halauter, hoy koy pashel hi. Pal kova venn kol Kohatarya oun hidjrenn kova. Kaya hi lengre boudi. Yon taprenn kokres kol plarhte an, hoy troul ko tselo koova čiddo hi, oun gar ko Debleskro koova, te merenn yon gar.

O Debleskro Drom 2021 (Sinte)

¹⁵ Ap ko tsiro, kai djan i Israelitarja dureder, hunte krenn o Aron un leskre tchawe kawa halauter un hunte tchakrenn kol tsele kotja o Debleskro plachteno khereske un halauter, hoi koi pashel hi. Pal kowa wenn kol Kohatarja un hidjrenn kowa. Kaja hi lengre budi. Jon taprenn kokres kol plachte an, hoi trul ko tselo koowa tchiddo hi, un gar ko Debleskro koowa, te merenn jon gar.

4. Mose 4:15 Referans Kwoze

4. Mose 7:9

Kolen, kay van pal o Kohat, das yob či. Lengri boudi his, te hidjrenn le o Debleskro koova, hoy an leskro kheer his. Kova hounte hidjrenn le ap pengre phika.

5. Mose 31:9

O Mose činas kal čačepaskre laba an i liil, oun das les kol phoureden pral Israel oun kol rashayende dran o kheer Levi, kay o Debleskro morhton hidjran, kay o Debleskre deesh laba dren hi.

4. Mose 10:21

Pal lende djan kol Kohatarya, oun hidjran ko koova o Debleskro plarhteno khereske. Kava kheer hounte vas pale pre-čiddo, bis te kol Kohatarya pal van.

1. Familjakro liil 15:2

An ko tsiro penas o David: “Kek hounte hidjrell o morhton o Debleskre deesh labentsa, har kokres i Levitarya, kolen rodas o baro Devel vin, te hidjrenn yon ko morhton, oun te boudrenn yon leske hako tsiro.”

1. Samuel 6:19

An o foro Bet-Shemesh his menshe, kay dikan an o morhton, kay o Debleskre deesh laba dren hi. Oun o baro Devel maras lendar efta-deesh (70) morshen. Oun i tsele menshe rovan, te das len o baro Devel yaake phares.

1. Familjakro liil 15:15

Oun i Levitarya hidjran o morhton ap pengre phika i hidjepaskre kashtentsa, yaake har o baro Devel penas kova o Moseske, oun kova les i Israelenge penas.

2. Samuel 6:13

Har kol hidjepangre, kay hidjran o Debleskro morhton, shob kope yek heri glan i vavar čivan, rhačran yon i gouroum oun i thoulli terni groumni o Debleske.

Josua 4:10

Oun kol rashaya, kay ko morhton hidjrenn, ačan mashkral an o pani Yordan tardo, bis te halauter kerdo his, hoy o baro Devel ap o Yosua penas, te penell lo kova i tsele menshenge, yaake har o Mose kova ap o Yosua penas. Oun i tsele menshe djan sik vergel.

4. Mose 3:38

Glan o Debleskro kheer, ap koy rig, kay o kham pre djala, hounte vell koy platsa o Moseske oun o Aroneske peskre čaventsa, te denn yon garda, te vell o Debleskri boudi mishto kerdo i tsele Israelenge. Oun te vell i vavar pash o Debleskro kheer, te krell lo kay boudi, hounte merell lo.

4. Mose 1:51

Oun te djan t'mer doureder, čivenn kol Levitarya o Debleskro plarhteno kheer khetne. Oun te čivenn t'mer t'mare plarhtene khera pre, palle čivenn i Levitarya o Debleskro kheer pale pre. Hako vavar, kay vell pash o kheer, hounte merella.

2. Mose 19:12

Pen lenge, har dour nay djan le, te denn le yak, te djal kek lendar ap koy berga. Kek čivell peskri heri ap i berga! Hakeno, koon kova krella, hounte merell.

3. Mose 16:13

Kote čivell lo ko soungepaskro koova ap i yag, te djal i yagakro dourho vin oun čakrell ko pralstouno kotar ap ko morhton, kay o Debleskre deesh laba dren hi. Kova hounte krell lo doleske, te merell lo gar.

4. Mose 1:50

Tou dess len gole, te boudrenn yon an o Debleskro plarhteno kheer, kay o Debleskre deesh laba dren hi, oun ap halauter, hoy an kava kheer hi. Yon hounte hidjrenn o Debleskro kheer oun halauter, hoy koy dren hi, oun denn garda ap halauter, oun čivenn pengre plarhtene khera troul o Debleskro kheer.

4. Mose 4:14

Oun ko tselo koova, kay boudrenn yon peha, čivenn le koy pral pre: yagakre čare, massengre forshette, bare roya, kolentsa lenn le i yagakri čik krik, čare, kay o rat dren vella, oun ko tselo koova, hoy koy pashel hi. Pral halauter čivenn le i lači ledertikri plarhta. Palle čivenn le kol hidjepaskre kashta an i goustria ap o bob.

4. Mose 4:19

oun merenna gar ap ko tsiro, kay djan yon pash o Debleskro koova! Doleske krenn yaake: O Aron oun leskre čave djan glan lende an o Debleskro kheer dren oun sikrenn hakeneste, hoy yob hounte hidjrella.

4. Mose 4:20

I Kohatarya hounte djan gar kokres koy dren, vitar gar dikenn yon o Debleskro koova, te merenn yon gar.”

4. Mose 18:3

Oun kol vavar Levitarya hounte boudrenn touke, oun krenn koy boudi ap o tselo Debleskro kheer. O Debleskri rhačepaskri oun ko tselo Debleskro koova, koleha boudreh tou an o Debleskro kheer, kova taprenn le gar an, te merenn yon gar, oun t'mer lentsa.

2. Samuel 15:24

Oun ninna o rashay, o Zadok, his koy pashel, khetne kol tsele Levitarya. Oun yon hidjran o morhton, kay o Debleskre deesh laba dren hi. Oun pal o pani Kidron čivan le ko morhton tele ap i phoub oun hadan les pale pre har i tsele lourde dran o foro vergel o pani van. Oun o rashay Abyatar his ninna koy.

1. Familjakro liil 23:26

Yaake hounte hidjran i Levitarya bouder gar o Debleskro plarhteno kheer oun halauter, hoy koy dren his, har glan kova kerdo vas.

2. Mose 19:21

O baro Devel penas ap o Mose: “Dja tele oun pen lenge, te venn le gar doureder pre, te dikenn le man. Te venn le pre, hounte merenn boud lendar.

1. Rajengro liil 8:3

Oun har i tsele phoureder dran Israel khetne his, hadan i rashaya o morhton kol deesh labentsa o baro Deblestar pre,