4. Mose 4:12 - O Debleskro Lab 2024 (Sinte-Manouche)

¹² Ko tselo vavar koova, kay boudrenn yon leha an o Debleskro kheer, hounte lenn yon oun čivenn les an i blaueti plarhta, oun čivenn i lači ledertikri plarhta pral pre oun čivenn kova ap hidjepaskre kashta.

O Debleskro Drom 2021 (Sinte)

¹² Ko tselo wawar koowa, kai budrenn jon leha an o Debleskro kheer, hunte lenn jon un tchiwenn les an i blaueti plachta, un tchiwenn i latchi ledertikri plachta pral pre un tchiwenn kowa ap hidjepaskre kashta.

4. Mose 4:12 Referans Kwoze

1. Familjakro liil 9:29

Oun vavar lendar dan garda ap o yarro oun ap i mool oun o djet oun o soungepaskro koova.

2. Familjakro liil 4:22

i čourya, čare o rateske, roya oun pirya, – kolla lauter his dran djoudjo sonakay; kol voudya glan o Debleskri kouč isema oun glan o Debleskro kheer. Kalla his kerdo dran sonakay.

2. Familjakro liil 4:19

Ninna moukas o Salomo ko tselo koova te krell, hoy hounte vell tardo an o Debleskro kheer: o sonakaskro bob; i rhapangre, kay o Debleskre mare pre čiddo venn;

2. Familjakro liil 4:16

Kol tsele kotya, hoy kras o Houram-Abi o baro Debleskro khereske, yaake har o baro ray Salomo leske penas, kolla his halauter dran shoukar kerdo lolo saster.

2. Familjakro liil 4:11

Oun o Houram kras ninna pirya, bare roya, oun čare. Oun yaake kras lo halauter, hoy o ray Salomo lestar kamas, te krell lo o Debleskro khereske.

4. Mose 4:9

Oun yon hounte lenn i blaueti plarhta oun čivenn koya troul koy momelengri oun lakre momlia, ninna troul i činepangre, kolentsa i dorya an i momlia tele činlo venn, ninna troul i yagakre čare oun i djeteskre khore, hoy koy pashel hi.

4. Mose 4:7

Oun pral i rhapaskri, kay o Debleskro maro pre čiddo vell, hounte čivenn le ninna i blaueti plarhta. Oun koy pre čivenn le kol pirya oun roya, kol čare oun khore, kay i mool o Debleske dren vella. Ninna o Debleskro maro hounte vell koy pre čiddo.

4. Mose 3:8

Oun yon hounte denn yak ap o tselo koova an o Debleskro kheer. Oun yaake krenn yon koy boudi, hoy i tsele Israelitarya hounte krans mange.

2. Mose 31:10

ninna kol rashayeskre koola, hoy o Aron oun leskre čave rivenna pash pengri boudi an o Debleskro kheer;

2. Mose 25:9

Yaake har me les tout kanna sikrau, yaake krenn t'mer o kheer, ninna ko tselo koova, koleha boudrenn le an miro kheer. Krenn lauter yaake, har me les tout sikrau.

2. Mose 25:5

Bakreskri ledertikre plarhte, hoy lolo kerdo van, vavar lače ledertikre plarhte oun kasht i roukestar, hoy kharella Akatsia,

4. Mose 4:6

Koy pre čivenn le i lači ledertikri plarhta oun pral pre i blaueti plarhta. Palle čivenn le kol hidjepaskre kashta an pengre goustria, yaake te hidjrenn nay le kova.

4. Mose 4:11

Ninna hounte čivenn le i blaueti plarhta pral o sonakaskro bob, oun koy pral i lači ledertikri plarhta. Palle čivenn le i hidjepaskre kashta an i goustria ap o bob.

4. Mose 4:13

Yon hounte khossenn ninna koy yagakri čik ap o Debleskri rhačepaskri tele, oun čivenn i loli plarhta koy pral.

1. Familjakro liil 9:28

Mank lende his save, kay dan garda ap kol čare, pirya oun vavar koola, kolentsa boudran le an o Debleskro kheer. Te van kol koola vin oun dren hidjedo, hounte dikenn le pal, kitse yon his.