4. Mose 35:34 - O Debleskro Lab 2024 (Sinte-Manouche)

³⁴ Krenn ko them gar pale-čiddo, kay djivenn t'mer, oun kay ninna me djivau. Me hom o baro Devel, oun djivau mashkral t'mende.

O Debleskro Drom 2021 (Sinte)

³⁴ Krenn ko them gar pale-tchiddo, kai djiwenn tumer, un kai ninna me djiwau. Me hom o baro Dewel, un djiwau mashkral tumende.

4. Mose 35:34 Referans Kwoze

4. Mose 5:3

Morshen oun djouvyen hounte bičrenn vin glan koy platsa, kay t'mare plarhtene khera tardo hi, te krenn yon gar koy platsa pale-čiddo, kay me pash t'mende djivau.”

Debleskri gili 135:21

Sharedo vell o baro Devel ap i berga Sion! An o foro Yerusalem hi lo khere. Halleluya!

Debleskro tsiro 21:27

Oun či vell kote dren, hoy an o Debleskre yaka pale-čiddo hi, vitar kek mensho, kay djoungelo koova krella oun rhorhella. Kolla venna an ko foro dren, kolengre laba an o terno bakreskro liil dren činlo hi. Kote hi kolla dren činlo, kay lenna o djipen, hoy gar pre-herella.

Hosea 9:3

T'mer ačenn gar an o them, hoy o baro Devel t'men das. I menshe dran o them Efrayim hounte djan pale an o them Egiptia, ninna an o them Assour. Kote hounte rhan le savo koova, hoy pale-čiddo hi.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Debleskri gili 132:14

“Kaya hi i platsa, kay khere hom hako tsiro” penell lo. “Kate kamau te djivell.”

1. Rajengro liil 6:13

oun me kamau te djivap an kava kheer, hoy tou mange kreh, mank i Israelitarya, oun kamau mire menshen Israel gar kokres te moukell.”

2. Mose 25:8

Kamau lendar, te krenn le mange i kheer, te djivap nay mashkral lende.

Debleskro tsiro 21:3

Oun me shounom i zorelo rakepen. Kova vas kotar, kay o Debleskro beshepaskro tardo hi, oun kova penas: “Dikenn, o Debleskro kheer hi pash i menshende! Yob djivell pash lende. Oun yon hi leskre menshe. Oun o Devel hi lengro Devel kokres, oun hi pash lende.”

Jesaja 8:12

Tou oun kolla, kay ap toute shounenn, ma krenn har kal menshe, kay patsenn, kay lauter phoukepaskro koova hi. Oun ma darenn kolestar, hoy yon darenn! Moukenn t'men koy daryatar gar te taprell!

5. Mose 21:8

Baro Devel, mangah tout, le kay doosh mendar, tire menshendar Israel, kolen tou dran o pandepen vin lal. Ma dik ap mende, har te vams mer kolla, kay maram i menshes, ap koleste kek doosh čiddo hi.” Palle lell o baro Devel koy doosh lendar krik.

5. Mose 21:23

palle ačell ko moulo gar pral i rat ap ko kashteste. Na-a, yob hounte vell paskedo ap ko emligo dives, te vell ko them gar pale-čiddo, hoy t'maro baro Devel t'men dell. Pash leste hi kova praasedo, kay hi pre-pandlo ap i kasht.

Jeremia 16:18

Yon lenn mandar pengri tseli phagi lengri doshake oun ko čilačepaske, hoy yon kran. Me moukau lenge či. Yon kran miro them pengre moule deblentsa pale-čiddo. Ko them, hoy mange vin rodom, hi pherdo ko koveha, hoy djoungelo glan mire yaka hi.

4. Mose 16:3

Oun yon halauter van khetne pash o Mose oun o Aron, čingran ap lende oun penan: “T'mer krenn, har te vans bareder har mer vavar! O tselo kheer Israel hi o Debleskre menshe. Oun o baro Devel hi mashkral lende. Hoske hadenn t'mer t'men pral o baro Debleskre menshende?”

5. Mose 6:15

Tiro baro Devel hi mank t'mende oun kamell te kamess les kokres. Te rikreh gar pash leste, vell leskri rholi pral toute, oun yob lell tout krik i phoubyatar.

Ezekiel 35:10

T'mer penan: “Kol douy themma Israel oun Youda pengre menshentsa hounte venn maro. Las len menge dren!” T'mer bistran, te hi kova miro them, kay me, o baro Devel, djivau.