Foun kava kotar them, lenn i paash, kova hi 12,5 (deesh-te-douy-te-paash) kilometarya lengsto oun 5 (panč) kilometarya bourhlo. Lestar vell i kotar phoub lino o Debleskro khereske: 250 (douy-sheel-te-paash-sheel) metarya lengsto oun 250 (douy-sheel-te-paash-sheel) metarya bourhlo, oun troul leste i platsa trouyel, hoy hi 25 (biish-te-panč) metarya bourhlo. Oun kote vell o Debleskro kheer tardo, kay ninna o Debleskri kouč isema dren hi.