4. Mose 32:38 - O Debleskro Lab 2024 (Sinte-Manouche)

³⁸ Nebo, Baal-Meon oun Sibma oun dan kol foryen, kay yon kran, neve laba.

O Debleskro Drom 2021 (Sinte)

³⁸ Nebo, Baal-Meon un Sibma un dan kol forjen, kai jon kran, newe laba.

4. Mose 32:38 Referans Kwoze

Jesaja 46:1

O rhorheno devel Bel phagas khetne, oun o rhorheno devel Nebo peras. Lengre figure, hoy t'mer trouyel hidjran, van kanna i firhenge ap lengro doumo pandlo. Yon hounte hidjrenn len oun venn khino tel ko pharo hidjepen.

4. Mose 32:3

“Ko them pash kol forya Atarot, Dibon, Yaser, Nimra, Heshbon, Elale, Sibma, Nebo, oun Beon,

Josua 23:7

Ma čivenn t'men khetne kol vavar menshentsa, kay gomme an kava them djivenn. Lengre deblen denn gar an-gole! Ma denn t'men sovel pash lende! Ma anenn lenge firhen oun vavar koova! Ma vitsrenn t'men tele glan lende!

2. Mose 23:13

Denn yak oun rikrenn ap lauter, hoy me t'menge penom! Ma mangenn vavar deblen an! Lengre laba hounte venn gar dran t'mare mouya vin!

Debleskri gili 16:4

Boud hi i douka kolendar, kay nashenn i vavar debleske palla. Me kamau kol rhorhene deblenge kek rat vin te čorell. Vitar gar kamau lengro lab an miro mouy te lell.

4. Mose 22:41

Oun taysarlakro las o Balak o Bileames peha, oun anas les pral ap i berga Bamot-Baal, te dikell yob kotar ap kol tsele menshende Israel.

1. Mose 26:18

Oun moukas kol brounne pale neves te krell, hoy yon kran an ko tsiro, kay leskro dad Abraham djivas, oun kolen i Filistarya pherdo čik vitsran pal leskro merepen. Oun o Isaak das kol brounne ko lab, har leskro dad len das.

4. Mose 32:37

I morsha dran o kheer Ruben kran kol forya Heshbon, Elale, Kiryatayim,

Esra 10:43

an i familya Nebo: o Yehiel, o Mattitya, o Sabad, o Sebina, o Yadday, o Yoel oun o Benaya.

Jesaja 16:8

Ap ko harhetikri phoub troul o foro Heshbon vell bouder kek lačo djob bares. Moulo hi kol drakengre rouka pash o foro Sibma. I themengre raya dan i feteder drakengre kashta tele, hoy djan bis pash o foro Yaser. Oun ap yek rig djan i neve kashta bis an o moulo tato them, ap i vavar rig bis pash o Moulo Baro Pani.

Jeremia 48:1

Laba pral o them Moab. Kova penell o baro Devel, ko ray pral o bolepen oun i phoub, kay o Israeleskro Devel hi: Djungeles djal kol menshenge an o foro Nebo. Khetne dino vell lengro foro. Ladj vell pral o foro Kiryatayim. Dren lino vell lo. I massouri troul o foro vell tele dino oun khetne phagedo.

Ezekiel 25:9

Doleske dau i forya ap i berge an o them Moab an i vasta kolendar, kay krenn len paash, – kol rayle zorele forya, hoy kharenn Bet-Yeshimot, Baal-Meon oun Kiryatayim.

5. Mose 32:50

Oun tou mereh ap koy berga, ap koya tou pre djal, oun tou veh paskedo, har tiro phraal Aron meras ap i berga Hor oun kote paskedo vas.

Jeremia 48:21

I phagi vas pral ko telstouno them, pral kol forya, kay kharenn: Holon, Yahaz, Mefaat,

Jeremia 48:23

Kiryatayim, Bet-Gamoul, Bet-Meon,