4. Mose 32:33 - O Debleskro Lab 2024 (Sinte-Manouche)

³³ Yaake das o Mose kol menshen dran o kheer Gad oun dran o kheer Ruben oun ko paash kol menshendar dran o kheer Manasse, kay o Yosefeskro čavo his, ko them, kay o Sihon o baro ray pral i Amorarya his oun ko them, kay o Og o baro ray pral Bashan his. Yob das len o tselo them oun kol forya koy dren.

O Debleskro Drom 2021 (Sinte)

³³ Jaake das o Mose kol menshen dran o kheer Gad un dran o kheer Ruben un ko paash kol menshendar dran o kheer Manasse, kai o Josefeskro tchawo his, ko them, kai o Sihon o baro rai pral i Amorarja his un ko them, kai o Og o baro rai pral Bashan his. Job das len o tselo them un kol forja koi dren.

4. Mose 32:33 Referans Kwoze

Josua 12:6

Kalla his kol douy bare raya, kolentsa i Israelitarya pen kouran oun i zorleder van. Lengro pralstouno his o Mose, koles o baro Debleskro vast his. Oun yob das ko them i menshende dran i khera Ruben oun Gad oun kolen dran o paash kheer Manasse.

Josua 22:4

Kanna kras t'maro baro Devel, te nay lan t'mare phralen lengro them ninna dren, oun yon nay djivenn kote an o lačepen, yaake har lo kova lenge penas. Doleske rissrenn kanna trouyel, oun djan pash t'mare plarhtene khera an ko them, hoy t'menge dino vas, te vell lo t'menge – ko them, hoy das t'men o Mose, koles o baro Debleskro čačo vast his, ap i vavar rig o panyestar Yordan.

5. Mose 29:8

Doleske denn yak ap kal laba, hoy t'maro Devel t'mentsa vin krell. Djivenn pal lende, te djal t'menge halauter mishto, hoy t'mer krenna.

1. Familjakro liil 26:32

O Yeria, les his 2.700 an-dikle morsha mank peskre menshende. Kolla his pralstoune pengre familyendar. Oun o David čivas len oun lengro pralstouno, o Yeriya, pral i familyende Ruben oun Gad oun pral i paash familya Manasse, te denn le yak, kay kolla pengri boudi o baro Debleske oun o baro rayeske mishto krenn.

1. Familjakro liil 12:31

Dran o kheer Efrayim: 20.800 zorele kourepangre, kay an-dikle his pash pengre familyende.

1. Familjakro liil 5:18

I lourde dran i khera Ruben oun Gad oun dran i paash familya Manasse his 44.760 (star-deesh-te-star-zerya-efta sheel-te-shob-deesh) morsha. Kolen his shilte, rhare oun boge oun his lače kourepangre.

4. Mose 32:1

I menshen dran o kheer Ruben oun dran o kheer Gad his boud firhe. Oun yon dikan, te hi lačo zenlepen i firhenge an ko them Yaser oun Gilead.

4. Mose 32:32

Mer lah mare rhare oun djah glan o baro Debleste an o them Kanaan, te las maro kotar them kate ap kay rig o panyestar Yordan.”

Josua 12:1

Oun kalla hi kol bare raya, pral kolende i Israelitarya i zorleder van, oun lengre themma dren lan. Douy his i raya pral o them ap koy rig o panyestar Yordan, kay o kham pre djala, mank o pani Arnon oun koy berga, hoy kharell Hermon, ninna pral koy tseli tala ap koy rig o panyestar Yordan, kay o kham pre djal.

Josua 14:3

Kol menshen dran kol douy-te-paash vavar khera das o Mose pengro kotar them ap i vavar rig o panyestar Yordan. I Levitaryen das lo kek them.

Josua 22:7

O Mose das o paash kol menshendar dran o kheer Manasse o them Bashan, te vell lo lengro. Ko vavar paash das o Yosua lengro them mank lengre phralende ap koy rig o panyestar Yordan, kay o kham tele djal. Oun har moukas o Yosua kolen te djal, kay ap i vavar rig o panyestar Yordan khere hi, oun o Debleskri barht pral lende vin rakras,

1. Samuel 13:7

His ninna save, kay nashan pral o Yordan an i themma Gad oun Gilead. Oun o Saul his gomme an Gilgal oun kol lourden, kay pash leste his, his bari daar.