4. Mose 32:22 - O Debleskro Lab 2024 (Sinte-Manouche)

²² oun bis te hi lo o ray pral ko them. Koy pal nay djan t'mer pale pale, oun kek doosh lan t'mer ap t'mende glan o baro Debleste oun glan Israel. Oun o them ap kay rig kate vell t'mende dino glan o baro Debleste.

O Debleskro Drom 2021 (Sinte)

²² un bis te hi lo o rai pral ko them. Koi pal nai djan tumer pale pale, un kek doosh lan tumer ap tumende glan o baro Debleste un glan Israel. Un o them ap kai rig kate well tumende dino glan o baro Debleste.

4. Mose 32:22 Referans Kwoze

Josua 22:9

Kote djan i morsha dran i familya Ruben oun dran i familya Gad oun dran i paash familya Manasse penge pengre phralendar, kol vavar Israelitaryen. An o foro Shilo, hoy an o them Kanaan čiddo hi, kran le pen ap o drom, te djan le khere an o them Gilead. Kote his ko kotar them, hoy lenge dino vas, te vell lo lengro, yaake har o baro Devel ap o Moseste penas.

Josua 22:4

Kanna kras t'maro baro Devel, te nay lan t'mare phralen lengro them ninna dren, oun yon nay djivenn kote an o lačepen, yaake har lo kova lenge penas. Doleske rissrenn kanna trouyel, oun djan pash t'mare plarhtene khera an ko them, hoy t'menge dino vas, te vell lo t'menge – ko them, hoy das t'men o Mose, koles o baro Debleskro čačo vast his, ap i vavar rig o panyestar Yordan.

5. Mose 3:20

T'mer kourepangre, avenn t'mare phralenge pash o vast yaake rah bis te lan le ko them dren, hoy o baro Devel len della ap i vavar rig o panyestar Yordan, oun bis te moukell lo len kote te djivell kek kourepah, yaake har yob ninna t'menge kras. Palle nay djan t'mer pale an t'maro them, hoy t'mende dom.”

Josua 13:8

Ko vavar paash kol familyendar dran o kheer Manasse, ninna kol familye dran i khera Ruben oun Gad, yon lan pengro kotar them ap i vavar rig o panyestar Yordan, kote kay o kham pre djal. O Mose, koles o baro Debleskro čačo vast his, das len les kote:

Debleskri gili 78:55

Yob tradas i tsele vavar menshen glan lende vin, oun das lengro them peskre menshende, hakeneste kol deesh-te-douy bare familyendar das lo lengro kotar, te vell ko them lengro. An i plarhtene khera kol vavar menshendar moukas lo i Israelitaryen te djivell.

2. Samuel 3:28

Har o David kova shounas, penas yob: “O baro Devel djinell, kek doosh hi man oun miro kheer ap o Abnereskro merepen, koleskro dad o Ner hi. An kek tsiro vell koy doosh ap mende!

Josua 18:1

Oun i tsele Israelitarya van khetne an o foro Shilo, oun čivan kote o Debleskro plarhteno kheer pre. Ninna te his o them an lengro vast oun yon his ray pral leste,

Josua 11:23

Oun yaake har o baro Devel ap o Mose penas, las o Yosua o tselo them dren, oun das les i Israelende. Hakeneste kol deesh-te-douy Israeleskre čavendar das lo peskro kotar them, te venn le kote khere. Oun yon hounte djan bouder gar an o kourepen.

Josua 10:42

Oun o Israeleskro baro Devel his ap lengre rig. Yaake las o Yosua kol tsele bare rayen oun lengre themma ap yek kopo dren.

Josua 10:30

Oun o baro Devel das ninna kolen oun lengro baro rayes an o Israeleskro vast. Oun i Israelitarya dan len o rhareha. Lauteren, kay an ko foro djivan, dan le moulo, oun moukan kekes krik te nashell. Oun ko baro rayeha kran le yaake har o baro rayeha pral o foro Yericho.

Josua 2:19

Oun hakeno, koon lendar pale vin djal, koleskro rat vell ap leskro shero! Oun mari sovel his gar koleske. Hakeno, kay an tiro kheer hi oun vell maredo, koleskro rat vell ap maro shero!

3. Mose 14:34

Te venn t'mer an o them Kanaan, hoy me t'men dau, te vell kava them t'menge, oun me moukau kote an i kheer i djoungelo kotar vin te vell,

4. Mose 32:21

Oun djan vergel o pani Yordan glan o baro Debleskre yaka, oun ačenn kote, bis te tradell yob kolen glan peste vin, kay kourenn pen t'mentsa,