4. Mose 31:8 - O Debleskro Lab 2024 (Sinte-Manouche)

⁸ Ninna maran le kol panč bare rayen pral i Midianarya. Yon kharan Evi, Rekem, Sur, Hour, oun Reba. Ninna dan le o Bileames o rhareha moulo, koleskro dad o Beor his.

O Debleskro Drom 2021 (Sinte)

⁸ Ninna maran le kol pantch bare rajen pral i Midianarja. Jon kharan Ewi, Rekem, Zur, Hur, un Reba. Ninna dan le o Bileames o chareha mulo, koleskro dad o Beor his.

4. Mose 31:8 Referans Kwoze

4. Mose 25:15

Koy djouvel dran Midian, kay ninna moulo dino vas, kharas Kosbi. Lakro dad his o Sur. Kova his o pralstouno i bari familyatar mank kol Midianarya.

Debleskro tsiro 2:14

I tikno koova pash t'mende hi gar mishto. Mashkral t'mende hi save menshe, kay djan ap ko drom, koles o Bileam glan i rah tsiro i menshende sikras. Yob sikras o baro rayeste pral o them Moab, – leskro lab his Balak, – har te anell lo nay i Israelitarya ap i čilačo drom. Yaake rhan i Israelitarya ko mass kol firhendar, hoy kol vavar menshe glan pengro debleste anan. Ninna djan le pash vavar djouvyende.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.

2. Petro 2:15

O čačo drom moukan le, oun nashran pen. Yon djan ap ko čilačo drom, kay djas ninna o Bileam, – leskro dad hi o Beor. O Bileam kamas i čilačo koova te krell, te lell lo love.

Debleskri gili 10:2

O čilačo hi pre-phourdo oun lell i čorvelen palla, oun krell lentsa ko čilačo koova, hoy leske an leskro shero trouyel djal.

Debleskri gili 9:16

I menshe an vavar themma, peran an koy rheb, hoy yon i vin hadan. An koy netsa, hoy yon vin čivan, tapran le pen kokres.

4. Mose 25:18

Yon anan t'men an i bibarht, har anan le t'men yaake dour, te mangan o Baal-Peor an. Oun yon anan t'men an i bibarht lengri phenyah Kosbi, kolakro dad i pralstouno pral kol Midianarya his. Koya vas moulo dino ap ko dives, kay vas ko nasslepen pral t'mende pash i berga Peor.”

4. Mose 24:25

Oun o Bileam hadas pes oun djas kote, oun vas pale an peskro them. Oun o Balak djas peskro drom.

4. Mose 22:10

O Bileam penas ap o baro Debleste: “O Balak, koleskro dad o Sippor hi, ko baro ray pral kol Moabarya bičras len pash mande oun moukas mange te penell:

4. Mose 22:4

Oun yon penan ap kol phourende mank kol Midianarya: “Kanna rhan kol tsele menshe halauter pre, hoy troul mende hi, har i groumni koy zenlepen ap i phoub pre rhala.” O Balak his an ko tsiro o baro ray pral i Moabarya.

4. Mose 24:14

Oun kanna djau pash mire menshende. Glan kova kamau touke te penell, hoy kal menshe tire menshenge krenna an o tsiro, hoy vella!”

4. Mose 31:9

Oun kol Israelitarya pandan kol djouvyen foun kol Midianarya oun lengre čaven. Lengre firhe, oun halauter, hoy len hi, čoran yon.

4. Mose 31:16

Ma bistrenn, te his kol djouvya, kay kran, hoy o Bileam lenge penas, oun tserdan i Israelitaryen o baro Deblestar krik, yaake te nashan le o rhorheno debles Baal-Peor palla. Doleske vas ko baro nasslepen ap o Debleskre menshende.

Habakuk 3:7

Me dikom, har daran kol menshe, kay djivenn an plarhtene khera an o them Koushan, oun har trissan i menshe an o them Midian.

4. Mose 22:5

Oun yob bičras morshen pash o Bileam, koleskro dad o Beor hi. O Bileam djivas mank peskre menshende an o foro Petor, kay pash ko pani Eufrat čiddo hi. O baro ray moukas leske te penell: “Am pash mande! I bari natsyona djas dran o them Egiptia vin oun hi kate an o tselo them. Kal menshe čivan pengre plarhtene khera pre ap i vavar rig mandar.

4. Mose 23:10

Kek djinell, har boud menshe o Yakobeskre menshe hi. Ava, kek nay hatsell vin, har boud zerya i Israelitarya hi? Me kamau, te merap yaake har yek lendar, kol čače menshendar. Miro merepen mou vell har lengro merepen!

Gosewe laba 11:3

Lengro djoudjo dji anell i lačen ap o čačo drom. Ko midjak koova, hoy i phoukepangre krenn, vell ap lende pale oun phagell len.

Gosewe laba 13:17

I čilačo bičepaskro anell bibarht. I bičepaskro o labestar rakrell yaake, te vell lauter pale mishto.