4. Mose 31:6 - O Debleskro Lab 2024 (Sinte-Manouche)

⁶ Oun o Mose bičras len an o kourepen. Lentsa djas o Pinhas, koleskro dad o rashay Elazar his. Oun o Pinhas las o Debleskro koova peha, ninna kol kourepaskre phourdepangre.

O Debleskro Drom 2021 (Sinte)

⁶ Un o Mose bitchras len an o kurepen. Lentsa djas o Pinhas, koleskro dad o rashai Eleasar his. Un o Pinhas las o Debleskro koowa peha, ninna kol kurepaskre phurdepangre.

4. Mose 31:6 Referans Kwoze

4. Mose 14:44

Ninna te rakras yob yaake, kran yon pal pengro shero, oun djan pral ap i berga. O Mose ačas ap i platsa oun djas gar lentsa, vitar gar ko sonakaskro morhton, kay o Debleskre deesh laba dren hi.

2. Samuel 11:11

Penas lo: “O Debleskro morhton, ninna i lourde dran Israel oun Youda hi an plarhtene khera. Oun o Yoab, miro pralstouno, oun tire lourde sovenn ap i phoub. Oun me djap an miro kheer, te rhap oun piyap, oun te vap pash miri romyate čiddo. Yaake čačo har kova hi, kay tou djiveh: Savo koova krau me gar.”

1. Samuel 23:9

Har o David hayvas, te hi o Saules čilačepen an o dji oun kamas ap leste te djal, penas lo ap o rashayeste Abyatar: “An mange o rashayeskri damdira kay!”

1. Samuel 14:18

Kote penas o Saul ap o Ahia: “An o rashayeskri damdira kay!” An ko tsiro hidjras o Ahia koy damdira glan i Israelitarya.

1. Samuel 4:17

Koy penas ko bičepaskro: “O Israel nashas glan i Filistarya. Kolla dan men phares, oun tire douy čave, o Hofni oun o Pinhas hi moule, oun ko morhton, kay o Debleskre deesh laba dren hi, lan le mendar.”

2. Mose 25:9

Yaake har me les tout kanna sikrau, yaake krenn t'mer o kheer, ninna ko tselo koova, koleha boudrenn le an miro kheer. Krenn lauter yaake, har me les tout sikrau.

Josua 22:13

Oun yon bičran i bičepaskres pash lende an o them Gilead. Kova his o Pinhas, koleskro dad o rashay Elazar his.

5. Mose 20:2

Glan te stenn t'mer pre oun djan an o kourepen, stakrell o rashay glan oun penell ap t'mare kourepangre:

Esra 7:5

koleskro dad o Abishoua, koleskro dad o Pinhas, koleskro dad o Elazar, koleskro dad o Aron, ko baro rashay.