4. Mose 31:30 - O Debleskro Lab 2024 (Sinte-Manouche)

³⁰ Kol vavar Israelitarya hounte denn ninna čomone o Debleske. Lendar less tou yek menshes hake paash-shelendar oun yek firho hake paash-shelendar, i groumyendar, i bakrendar, foun i bourike, oun i tsele vavar firhendar, oun hounte dess len kol Levitaryen, kay krenn pengri boudi ap o Debleskro kheer.”

O Debleskro Drom 2021 (Sinte)

³⁰ Kol wawar Israelitarja hunte denn ninna tchomone o Debleske. Lendar less tu jek menshes hake paash-shelendar un jek viecho hake paash-shelendar, i grumjendar, i bakrendar, fun i burike, un i tsele wawar viechendar, un hunte dess len kol Levitarjen, kai krenn pengri budi ap o Debleskro kheer.”

4. Mose 31:30 Referans Kwoze

4. Mose 3:31

Oun yon hounte denn garda ap ko sonakaskro morhton, koy rhapaskri, koy momelengri, o Debleskro sonakaskro bob oun o Debleskri sasterni rhačepaskri, kay firhe rhačede venna. Ninna denn le garda ap i tselo Debleskro koova an leskro kheer, koleha yon boudrenna, ninna ap koy plarhta mank kol douy iseme oun ap halauter, hoy koy pashel hi.

4. Mose 3:25

Lengri boudi pash o Debleskro kheer hi, te denn le garda ap kova, hoy vin ap o kheer hi: kol plarhte, hoy čakrenn o kheer, koy plarhta an o khereskro voudar,

Hebrearja 13:17

Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.

Kolossarja 4:17

Penenn ap o Arkippo: Kre koy boudi, hoy o ray Yezous tout das! Mouk gar tele!

1. Korintarja 4:2

Oun i boudepaskro hounte krell peskri boudi mishto.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

1. Familjakro liil 23:32

Yaake hounte krenn yon pengri boudi an o baro Debleskro plarhteno kheer, oun pal i tsiro an leskro baro kheer, hoy kerdo vell, oun hounte venn i rashayenge ap i rig pash lengri boudi an o baro Debleskro kheer. I rashaya hi lengre phrala dran o kheer Aron.

4. Mose 31:28

Oun kolla, kay his an o kourepen, hounte denn čomone o baro Debleske. Kolestar, hoy yon pandles lan, le yek menshes hake panč-shelendar oun yek firho hake panč-shelendar, i groumyendar, i bakrendar oun foun i bourike. Oun de les o rashayeste Elazar, te dell yob kova o baro Debleste.

4. Mose 31:31

O Mose oun o rashay Elazar kran yaake har o baro Devel kova o Moseske penas.

4. Mose 1:53

Kol Levitarya hounte čivenn pengre plarhtene khera troul o Debleskro plarhteno kheer, kay o Debleskre deesh laba dren hi, te denn le garda, te vell kek pash o kheer, yaake te vell gar miri rholi pral i Israelitarya.

4. Mose 8:26

Yon nay venn ap i rig pengre phralenge, kay boudrenn ap o Debleskro kheer. Koy boudi, hoy yon kran, hounte krenn yon bouder gar. Yaake hounte kress tou kolentsa dran o kheer Levi, te krell hakeno peskri boudi.”

Josua 9:27

Oun yaake kras o Yosua, te van le boudepangre o khereske Israel, oun hounte dan kasht oun hounte anan pani i rashayenge, kay rhačran firhen o baro Debleske ap koy platsa, kay o baro Devel vin rodell. Kova hi gomme kava dives lengre boudi.