4. Mose 3:36 - O Debleskro Lab 2024 (Sinte-Manouche)

³⁶ Oun lengre boudi hi, te denn le garda ap kol kotya, dran kolende o kheer kerdo vell: i činle kashta, i pandepaskre kashta, i pesse kashta oun lengre pire, ap kolende yon tardo venna, ninna o tselo vavar koova, hoy koy pashel hi.

O Debleskro Drom 2021 (Sinte)

³⁶ Un lengre budi hi, te denn le garda ap kol kotja, dran kolende o kheer kerdo well: i tchinle kashta, i pandepaskre kashta, i pesse kashta un lengre pire, ap kolende jon tardo wenna, ninna o tselo wawar koowa, hoi koi pashel hi.

4. Mose 3:36 Referans Kwoze

2. Mose 26:37

Čin panč pesse kashta dran akatstikro kasht. Čip sonakay troul lende! Oun kre lenge panč herya dran lolo saster, ninna sonakangre rikepangre! Ap lende vell koy plarhta pandlo.

2. Mose 26:32

Čin star pesse kashta dran akatstikro kasht, čip sonakay troul lende oun čip len ap star roupene herya. Čip sonakangre rikepangre pral ap lende oun pande ko kouč kotar than koy pre. Kava kouč than vell o voudar mank o Debleskri glanstouni isemaoun o Debleskri palstouni isema, hoy leskri koučeder isema hi. Palle an ko morhton, kay o Debleskre deesh laba dren hi, oun čip les pal ko voudar dran o kouč kotar than an o Debleskri palstouni isema!

4. Mose 7:8

Oun star vourdya oun orhta groumya das yob kolen, kay van pal o Merari, te nay hidjrenn yon pengre kotya. Oun o Itamar, ko čavo o rashayestar Aron, das garda ap halauter.

2. Mose 39:33

Oun yon anan lauter pash o Moseste: kol plarhte o Debleskro khereske oun leskre tsele koola: rikepangre, činle kashta, pandepangre kashta, oun pesse kashta ap herya;

2. Mose 36:36

Oun yon činan star pesse kashta dran akatstikro kasht, te vell ko kotar than kote pre pandlo. Troul kol pesse kashta čivan le sonakay, oun kran star roupene herya tella. I rikepangre kran le dran sonakay.

2. Mose 35:18

kol tikne sasterne kotya, hoy denn le an i phoub, te rikrenn le i plarhte zoreles, kolla plarhte hoy hi ap o kheer, ninna kolla, hoy hi troul i glanstouni platsa, oun kol shelle, hoy hi kote an-pandlo;

2. Mose 35:11

ko Debleskro plarhteno kheer peskre plarhtentsa, peskre rikepangre, činle kashta, pandepangre kashta oun pesse kashta ap herya;

4. Mose 3:35

Lengro pralstouno hi o Souriel, koleskro dad o Abihayil hi. Lengri platsa hi pash o Debleskro kheer ap koy rig, kay o kham gar vella.

4. Mose 3:37

Ninna hounte denn le garda ap kol kotya, hoy troul o glanstouni platsa hi: kol pesse kashta oun lengre pire, ap kolende yon tardo venna, kol tikne sasterne kotya, hoy denn le an i phoub, oun i shelle.