4. Mose 3:25 - O Debleskro Lab 2024 (Sinte-Manouche)

²⁵ Lengri boudi pash o Debleskro kheer hi, te denn le garda ap kova, hoy vin ap o kheer hi: kol plarhte, hoy čakrenn o kheer, koy plarhta an o khereskro voudar,

O Debleskro Drom 2021 (Sinte)

²⁵ Lengri budi pash o Debleskro kheer hi, te denn le garda ap kowa, hoi win ap o kheer hi: kol plachte, hoi tchakrenn o kheer, koi plachta an o khereskro wudar,

4. Mose 3:25 Referans Kwoze

2. Mose 25:9

Yaake har me les tout kanna sikrau, yaake krenn t'mer o kheer, ninna ko tselo koova, koleha boudrenn le an miro kheer. Krenn lauter yaake, har me les tout sikrau.

1. Timoteo 1:18

Miro čavo Timoteo, kova penau touke, te rikress tou kova an tiro dji. Ma biste kol laba, hoy glan i tsiro pral toute glan-vi penlo van! Kolla laba denn tout i zoor, te moukess gar tele te krell o Debleskri boudi, yaake har i lačo kourepaskro gar pre dell an o kourepen.

Kolossarja 4:17

Penenn ap o Arkippo: Kre koy boudi, hoy o ray Yezous tout das! Mouk gar tele!

Markus 13:34

Kova hi yaake har pash i morsheste, kay djas ap o them. Yob moukas peskro kheer oun das peskre boudepangren lauter an o vast, hakeneste das lo leskri boudi. Oun penas ap koleste, kay pash o voudar beshdo hi: De garda ap miro kheer! Ma sob!

2. Familjakro liil 31:2

Oun o Hiskiya čivas i rashayen oun i Levitaryen yaake khetne, har hounte boudrenn le, hakenes an peskri boudi. I rashaya hounte anan kol firhen o Debleske, hoy van tseles rhačedo oun kolen, hoy rhan le khetne. I Levitarya van lenge ap i rig, oun sharan o baro Debles bashepah oun gipah an i voudya ko kherestar, kay o baro Devel djivell.

1. Familjakro liil 23:32

Yaake hounte krenn yon pengri boudi an o baro Debleskro plarhteno kheer, oun pal i tsiro an leskro baro kheer, hoy kerdo vell, oun hounte venn i rashayenge ap i rig pash lengri boudi an o baro Debleskro kheer. I rashaya hi lengre phrala dran o kheer Aron.

4. Mose 10:17

Palle kran yon o Debleskro plarhteno kheer tele. Oun kol menshe dran i familye Gershon oun Merari djan oun hidjran ko plarhteno kheer.

4. Mose 7:7

Douy vourdya oun star groumya das yob kolen, kay van pal o Gershon, te nay hidjrenn le pengre kotya.

4. Mose 3:7

Yon boudrenna leske oun i tsele Israelenge glan o Debleskro kheer, oun hakeno lendar krell koy boudi pash o Debleskro kheer, hoy leste dino vell.

2. Mose 40:28

An o khereskro voudar pandas lo koy bari plarhta.

2. Mose 40:19

Oun koy pral čivas lo kol douy ledertikre plarhte, hoy čakrenn o kheer. Lauter kras lo yaake har o baro Devel leske penas.

4. Mose 1:50

Tou dess len gole, te boudrenn yon an o Debleskro plarhteno kheer, kay o Debleskre deesh laba dren hi, oun ap halauter, hoy an kava kheer hi. Yon hounte hidjrenn o Debleskro kheer oun halauter, hoy koy dren hi, oun denn garda ap halauter, oun čivenn pengre plarhtene khera troul o Debleskro kheer.

4. Mose 3:24

Oun lengro pralstouno hi o Elyasaf, leskro dad hi o Lael.