4. Mose 28:28 - O Debleskro Lab 2024 (Sinte-Manouche)

²⁸ Koy pashel ko rhapen dran lačo yarro djeteha: triin kilogramme haki terni morsh groumyake oun douy kilogramme hako morsh bakreske,

O Debleskro Drom 2021 (Sinte)

²⁸ Koi pashel ko chapen dran latcho jarro djeteha: triin kilogramme haki terni mursh grumjake un dui kilogramme hako mursh bakreske,

4. Mose 28:28 Referans Kwoze

3. Mose 14:10

Ap o orhtato dives anell lo douy terne bakre, hoy morsha hi oun sasto, oun yek bakri, hoy yek bersh phouro oun sasto hi. Ninna anell lo triin kilogramme lačo yarro, kay djet dren hi, te vell kova glan o baro Debleste anlo. Koy pashel anell lo i khoro djet.

4. Mose 28:27

Oun hounte rhačrenn o baro Debleske douy terne morsh groumya, yek morsh bakro, oun efta yek-bershengre bakre, kay gar nasselo hi. Oun o lačo soungepen, hoy djal pre, te vell kova halauter rhačedo an i yag, soungella mishto o baro Debleske.

4. Mose 28:29

oun yek kilogrammi hakeneske kol efta terne bakrendar.

2. Familjakro liil 23:18

Oun o Yoyada das kol rashayen oun Levitaryen koy boudi, hoy hounte vell kerdo an o baro Debleskro kheer. Yon hounte krenn pengri boudi yaake har o David penas, oun hounte rhačrenn firhen o baro Debleske yaake har činlo hi an o Moseskre lila. Ninna hounte sharenn le o baro Debles gilyentsa oun i barhtelo djiyeha. Yaake penas kova o David.

2. Familjakro liil 31:3

Oun o baro ray das peskre firhendar, te venn le rhačedo o Debleske, yaake har činlo hi an i lila o baro Deblestar: haki taysarla oun haki rati, ninna ap o Debleskro dives, oun ap o dives, kay vell o nevo čon diklo, oun ap kol bare divessa.

Esra 3:2

Oun o Yeshoua, koleskro dad o Yozadak his, kras pes ap i boudi khetne peskre phralentsa, kol rashayentsa, oun o morsheha Zorobabel, koleskro dad o Shealtiel his, oun leskre phralentsa. Oun yon kran i nevi sasterni rhačepaskri, te nay rhačrenn le firhen koy pre o Israeleskro Debleske, yaake har činlo hi an o liil o Debleskro morshestar, o Mosestar.

Jeremia 48:35

Me, o baro Devel, kamau bouder gar, te djan i Moabarya ap i moulne platse, te rhačrenn le firhen pengre deblenge. Me moukau kova bouder gar te krell.

Ezekiel 45:17

O ray hounte dikell koy pre, te venn i firhe, o djob oun i mool anlo glan o baro Debleste an kol bare divessa, kay venn i Israelitarya khetne, te sharenn le o Debles, ninna ap ko dives, kay vell o nevo čon diklo, oun ap o Debleskro dives, oun ap kol tsele vavar bare divessa. O ray dell ko djob, koy mool oun kol firhen i rashayen, te anenn yon kova glan o baro Debleste, te vell lauter krik lino, hoy mank o Debleste oun i Israelitaryen tardo hi. I firhe, hoy maredo venn, hi save, kay venn tseles rhačedo oun save, kay venn maredo, te vell i doosh krik lino, oun save, kay rhan i menshe khetne glan o baro Debleste.