4. Mose 26:30 - O Debleskro Lab 2024 (Sinte-Manouche)

^30-32 O Gileadeskre čave hi: o Yeser, o Helek, o Asriel, o Sichem, o Shemida, oun o Hefer. Kolendar venna kol Yeserarya, kol Helekarya, kol Asriyelarya, kol Sichemarya, kol Shemidarya, oun kol Heferarya.

O Debleskro Drom 2021 (Sinte)

^30-32 O Gileadeskre tchawe hi: o Jeser, o Helek, o Asrijel, o Sichem, o Shemida, un o Hefer. Kolendar wenna kol Jeserarja, kol Helekarja, kol Asrijelarja, kol Sichemarja, kol Shemidarja, un kol Heferarja.

4. Mose 26:30 Referans Kwoze

Čačepangre 6:11

Oun ko baro Debleskro bolepaskro vas, oun beshas pes tel ko baro rouk, hoy pash i platsa his, hoy kharella Ofra. Koy platsa his o Yoashes dran i familya Abiyeser. Oun leskro čavo Gideon his an ko kashteskro, hoy kerdo his, te krenn le mool dran i drake. Oun kote das lo khatemen o djob vin, te nay taprenn i Midianarya gar ko djob ninna.

Čačepangre 6:34

Kote vas o baro Debleskro dourho pral o Gideon. Oun yob phourdas an i phourdepaskri, te dell lo i Abiyesarya khetne gole, te venn le leske palla an o kourepen.

Čačepangre 6:24

Oun o Gideon čivas kote barra pre, te krell lo i rhačepaskri, kay venn firhe rhačedo o baro Debleske, oun das lat o lab Yahve-Shalom. Gomme kava dives hi koy rhačepaskri kote tardo an o foro Ofra, kay kol menshe djivenn, kay kharenna Abiyesarya.

Josua 17:2

Palle lan i familye, kay van i vavar čavendar o morshestar Manasse pengro them, yaake har i barra peran. Kolla his i familye, kay van kal morshendar: o Abiyeser oun o Helek o Asriel oun o Sichem oun o Hefer oun o Shemida. Kolla lauter van o morshestar Manasse, koleskro dad o Yosef his. Yon his phoureder pral pengre familye.

Čačepangre 8:2

Oun yob penas ap lende: “Kova, hoy t'mer kran, hi boud bareder har kova hoy me krom. Kova hi yaake har an ko tsiro, kay i drake dren anlo venna: Kol palstoune drake hi feteder har i tsele vavar. Yaake hi kova, hoy o Efrayim kras, feteder har kova, hoy mire tsele menshe khetne kran.