4. Mose 23:7 - O Debleskro Lab 2024 (Sinte-Manouche)

⁷ Koy penas o Bileam kal laba: O Balak, ko baro ray pral i Moabarya, moukas man te anell dran o them Aram, dran kol berge, kay o kham pre djala. Oun yob penas ap mande: Am ap miri rig, oun rake i bibarht pral o Yakobeskre menshende vin! Ava, am oun praase i Israeleskre menshen!

O Debleskro Drom 2021 (Sinte)

⁷ Koi penas o Bileam kal laba: O Balak, ko baro rai pral i Moabarja, mukas man te anell dran o them Aram, dran kol berge, kai o kham pre djala. Un job penas ap mande: Am ap miri rig, un rake i bibacht pral o Jakobeskre menshende win! Awa, am un praasse i Israeleskre menshen!

4. Mose 23:7 Referans Kwoze

5. Mose 23:4

Kek Ammonari oun kek Moabari vell kote t'mentsa khetne, kay o baro Debleskre menshe khetne venn, yaake rah har deesh familye yek pal i vavar djivenna. An kek tsiro nay venn le kote.

4. Mose 24:3

Oun yob penas kal laba: Kova penell o Bileam, koleskro dad o Beor hi. Kova penell ko morsh, kay van leske i yaka pre kerdo.

4. Mose 23:18

Koy penas o Bileam kal laba ap leste: Tou, o Balak, koleskro dad o Sippor hi, ste pre, oun shoun! Mouk kova an tiro shero dren te djal, hoy me penau!

Micha 2:4

An ko tsiro givenn le i sapaskri gili pral t'mende, oun krenn t'men palla, har t'mer rovenn: “Halauter hi nashedo. Mer ham khetne maredo! Maro them las o Devel mendar, oun das les kolende, kay lan men pandlo.”

Debleskri gili 78:2

Me kamau te rakrap i goseve labentsa pral i phoure tsirya.

Hiob 29:1

Oun o Hiob rakras pale oun penas kal laba:

4. Mose 24:23

Oun yob rakras pale oun penas kal laba: “Koon ačell djido ap ko tsiro, kay krell o Devel kova?

4. Mose 24:15

Oun yob penas kal laba: Kova penell o Bileam, koleskro dad o Beor hi. Kova penell ko morsh, kay van leske i yaka pre kerdo.

Markus 12:12

Oun yon hayvan, te rakras o Yezous lendar, oun kaman les te taprell. Oun har trashan le i menshendar, tapran le les gar, oun djan krik.

Mateo 13:33

Oun pale penas o Yezous lenge laba, kay i khatedo čačepen dren hi: Oun yob penas: Kote, kay o Devel i menshen pash peste gole della, te djan le ap leskro drom, hi kova yaake har pash i kotar shoutlo yarro, hoy las i djouvel oun čivas les mashkral an i baro čaro parno yarro. Oun ko tikno kotar shoutlo yarro kras ko tselo yarro shoutlo.

Gosewe laba 26:2

Har i čirklo, hoy hadell pes an o bolepen, oun vell gar tele pash i mensheste, yaake hi o praasepen, hoy vas vin rakedo pral yekeste, kay kek doosh ap peste anas. Ko praasepen taprell les gar.

Hiob 27:1

Oun o Hiob rakras pale oun penas kal laba:

2. Samuel 23:9

Pal koleste vas o Elazar, koleskro dad o Dodo hi, dran o gab Ahoa. Yob his yek kol trinendar, kay pash o Davideste an Pas-Dammim his, har kol Filistarya kote khetne van, te kourenn le pen i Israelentsa, oun i Israeleskre lourde tserdan pen pale.

Mateo 13:35

Oun yaake vas kova čačo, hoy o Debleskro rakepaskro glan i rah tsiro penas: O Devel penas: Me rakrau ap lende save labentsa, kay i khatedo čačepen dren hi. Me penau lenge kova, hoy kek mensho djinas, yaake rah har i phoub tardo hi.

Habakuk 2:6

O dives vell, kay givenn kolla lauter i sapaskri gili pral koleste, kay rikras len tele, oun rakrenn laba, kolentsa yon pral leste san. Yon penenna: Djungeles djal touke, kay leh touke, hoy gar tiro hi! Har rah kameh yaake doureder te krell, oun bravelo te vell ko koveha, hoy kolla hounte denn tout, kolen siyaan pash toute hi?

Ezekiel 17:2

Tou, mensho, pen i menshenge dran o kheer Israel phare laba, oun pouč lendar, hoy kamenn kolla te penell!

2. Samuel 21:21

Oun yob praasas o Israel. Oun o Yonatan, koleskro dad o Shimea his, das les moulo. O Shimea his i phraal o Davidestar.

1. Samuel 17:45

O David penas: “Tou veh pash mande i rhareha, i lengsto čouryeha oun i vitsepaskro čouryeha. Me vau pash toute an o lab o baro Deblestar, ko rayestar pral o bolepen oun i phoub, kay o Devel pral i Israeleskre lourdende hi, kones tou praasal.

1. Samuel 17:36

Leve oun bere dom moulo. Oun yaake djal les ninna kava Filistareske, kay gar činlo hi ap peskro mass. Yob praasas i lourden o djido Deblestar. Doleske hounte merell lo!”

1. Samuel 17:10

Oun ko Filistari penas: “Kava dives praasom i kourepangre dran o Israel, har lenge penom: Denn man yek morshes t'mendar, kay pes mantsa kourella!”

4. Mose 24:21

Oun har yob kol Kenarya dikas, penas lo kal laba: “Zorelo hi tiro kheer. Oun tou kral tiro kheer har i čirklengro kheer pral ap i zorelo oun baro bar.

4. Mose 22:17

Me kamau touke bravlepen te dell. Oun hoy tou mange peneh, kamau me te krell. Am ap miri rig oun rake i bibarht vin pral kal menshende!”

4. Mose 22:11

I bari natsyona vas dran o them Egiptia kate, oun hi an o tselo them. Am ap miri rig oun rake i bibarht vin pral kal menshende! Nashte vell yaake, kay kourau man lentsa, oun tradau len.”

1. Mose 28:7

Yob dikas ninna, kay o Yakob shounas ap peskro dadeste oun ap peskri date oun djas an o them Paddan-Aram.

1. Mose 28:2

Dja an o them Paddan-Aram, an o kheer tiro dakro dadestar Betouel. Le touke kote i čay tiri dakro phralestar, o Laban.

1. Mose 10:22

Kolla hi i čave o Semestar: o Elam, o Assour, o Arpaksad, o Loud, oun o Aram.

4. Mose 23:6

Oun har yob pash o Balak vas, his yob pash ko firho tardo, hoy rhačras yob o Debleske. Oun pash leste his kol tsele pralstoune pral i Moabarya.

Debleskri gili 49:5

Miro kand shounell ap goseve laba, oun hoy kolla kamenn te penell, kamau me t'mende te sikrell pash o bashepen ap i doryengri bashepaskri.