4. Mose 22:32 - O Debleskro Lab 2024 (Sinte-Manouche)

³² Oun o baro Debleskro bolepaskro penas ap leste: “Hoske dal tou tiri bourika triin kope? Dik, me vom pash toute, te rikrap tout pale. Tiro drom, hoy tou djah, hi gar mishto an mire yaka.

O Debleskro Drom 2021 (Sinte)

³² Un o baro Debleskro bolepaskro penas ap leste: “Hoske dal tu tiri burika triin kope? Dik, me wom pash tute, te rikrap tut pale. Tiro drom, hoi tu djah, hi gar mishto an mire jaka.

4. Mose 22:32 Referans Kwoze

Bičepangre 13:10

oun penas: “Tou bengeskro čavo! Tou hal pherdo čilačepen. Oun rhorhepen hi an toute. Tou kameh gar o čačepen. Oun moukeh gar tele o Debleskre čače dromma banges te krell.

Gosewe laba 28:18

Kova, kay i djoudjo djipen djivell, vell vin lino dran i bibarht. Kova, kay ap douy dromma djal, perell ap yekeste.

4. Mose 22:22

Koy vas o Devel rhoyedo koy pral, kay yob lentsa djas. Oun o bolepaskro o baro Deblestar djas leske an o drom, te rikrell lo les pale. Oun o Bileam his beshdo ap peskri bourika. Oun douy boudepangre djan leha.

Gosewe laba 28:6

Hi feteder te hal čorvelo oun djiveh i djoudjo djipen, har te vals bravelo oun djals ap bange dromma.

Gosewe laba 14:2

Kova, kay kamell o baro Debleha te djivell, djal o čačo drom. Koon či lestar kamell te djinell, djal ap bange dromma.

Micha 6:5

T'mer mire menshe, moukenn t'menge an o shero te vell, hoy kamas o Balak – ko baro ray pral o them Moab – t'menge te krell, oun hoy penas leske o Bileam, koleskro dad o Beor his! Moukenn t'menge an o shero te vell, har djan t'mare phoure pral vergel o pani Yordan ap lengro drom dran Shittim doureder an Gilgal. Palle hayvenn t'mer, havo boud lačepen t'menge krom.

Jona 4:11

Oun man te khaytenn gar kol tsele menshe an o foro Ninive? Kate djivenn boudeder har 120.000 (sheel-te-biish-zerya) menshe, kay gar djinenna, hoy lačo oun čilačo hi, oun koy pashel boud firhe!”

Debleskri gili 147:9

I firhende dell lo pengro rhapen, ninna i terne korake, hoy pal rhapen gole denna.

Debleskri gili 145:9

O baro Devel hi lačes ap hakeneste. Oun krell peskro dji pre halauterenge, kolen yob kras.

Debleskri gili 36:6

Baro Devel, tiro lačepen hi yaake baro har o bolepen. Oun tiro kamlepen ap tire menshende djal bis pash i volke.

5. Mose 25:4

Te stakrell tiro gouroum o djob vin, pandess tou leske gar o mouy, te nay rhal lo gar!

5. Mose 23:4

Kek Ammonari oun kek Moabari vell kote t'mentsa khetne, kay o baro Debleskre menshe khetne venn, yaake rah har deesh familye yek pal i vavar djivenna. An kek tsiro nay venn le kote.

4. Mose 22:35

O baro Debleskro bolepaskro penas ap leste: “Dja kol morshentsa! Ma rake vavar koova har me touke penau!” Yaake djas o Bileam kol pralstunentsa, kay o Balak bičras.

4. Mose 22:28

Koy kras o baro Devel koy bourikake o mouy pre. Oun yoy penas ap o Bileam: “Hoy krom me tout, kay dal tou man triin kope?”

4. Mose 22:20

Koy vas o baro Devel an i rati pash o Bileam, oun penas ap leste: “Van kol morsha, te denn yon tout gole, te djas lentsa, palle dja lentsa!”

4. Mose 22:33

Oun koy bourika dikas man, oun djas peske triin kope mandar. Te djals yoy gar mandar, yaake doms me tout moulo. Oun koy bourika moukoms te djivell.”

Gosewe laba 16:2

Hako drom hoy i morsh djal, hi an leskre yaka čačo, o baro Devel dikell dour an leskro dji.