4. Mose 21:7 - O Debleskro Lab 2024 (Sinte-Manouche)

⁷ Koy van yon pash o Moseste oun penan: “Mer anam doosh ap mende, har čingram ap o baro Debleste oun ap toute. Mange o Debles menge, te lell yob kol sapa mendar!” Oun o Mose mangas kol menshenge.

O Debleskro Drom 2021 (Sinte)

⁷ Koi wan jon pash o Moseste un penan: “Mer anam doosh ap mende, har tchingram ap o baro Debleste un ap tute. Mange o Debles menge, te lell job kol sapa mendar!” Un o Mose mangas kol menshenge.

4. Mose 21:7 Referans Kwoze

Bičepangre 8:24

Koy penas o Simon ap lende: “Mangenn o Deblestar, te vell kova gar pral mande, hoy t'mer penan!”

Debleskri gili 78:34

Te anas lo o merepen pral lende, rodan le o Debles, oun poučan pale pal leste.

4. Mose 11:2

Koy dan i menshe ap o Moseste gole. Oun o Mose mangas o baro Debles. Koy djas i yag krik.

2. Mose 8:8

Oun o Mose oun o Aron djan dran o Faraeskro kheer vin. Oun o Mose das o baro Debles gole oun mangas les, te lell lo i djambe krik, hoy yob pral o Farao anas.

1. Rajengro liil 13:6

Koy penas o baro ray ap ko Debleskro morsheste: “Mange tou o baro Deblestar, kay tiro Devel hi, oun mange lestar mange, te krell lo miro vast pale sasto!” Oun o Debleskro morsh mangas o baro Debles, oun o baro rayeskro vast vas pale sasto – yaake har lo glan kova his.

2. Mose 8:28

Oun ninna kava kopo pandas o Farao peskro dji oun moukas i Israelitarya gar te djal.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

Remarja 10:1

Mire phrala, miro tselo djiyeha kamoms, te venn i bibolde dran o Debleskri rholi vin. Oun kova mangau o Deblestar zoreles.

Mateo 27:4

Oun yob penas ap lende: “Me anom doosh ap mande. Me phoukrom ap koleste, kay kek doosh ap peste anas.” Penan le: “Kova hi gar maro koova. Kova hi tiro koova.”

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Jeremia 37:3

Oun o baro ray Sedekya bičras o Youkal, koleskro dad o Shelemya his, ninna o rashayes Sefanya, koleskro dad o Maasseya his, pash o Yeremia oun moukas leske te penell: Mange maro baro Debles menge, i Israelitarya!

Jeremia 15:1

Oun o baro Devel penas ap mande: Ninna te vals o Mose oun o Samuel glan mande tardo, kroms me kal menshenge miro dji gar pre. Trade len krik mandar, oun mouk len te djal!

Debleskri gili 106:23

Doleske kamas lo len moulo te dell, te vals kote gar o Mose, koles yob peske vi-rodas. Kova stas pre, te rikrell lo o Debles leskri rholyatar tele, yaake te dell lo len gar moulo.

Hiob 42:10

Oun har o Hiob peskre malenge mangas, las o baro Devel koy bibarht o Hiobestar krik, oun kras les pale bravelo, oun das les douy kope yaake boud, har les his.

Hiob 42:8

Kanna lenn efta terne gourma oun efta bakre oun djan pash o Hiob, oun marenn kol firhen kote, oun rhačrenn len mange! Oun o Hiob, koles miro čačo vast hi, hounte mangell man t'menge. Ap koleste shounau oun krau t'mentsa gar, har hounte kroms. T'mer rakran gar o čačepen pral mande har yob kras.”

1. Samuel 15:30

“Me lom doosh ap mande”, penas o Saul pale. “Ninna te hi yaake, mangau tout, hade man glan i phourende mire menshendar oun glan o Israel, oun dja mantsa pale, te nay sharap tiro baro Debles.”

1. Samuel 15:24

Koy penas o Saul ap o Samuel: “Me lom doosh ap mande, har shounom gar ap o baro Debleste, oun krom gar, hoy tou penal. Me darom i menshendar oun shounom ap lende.

5. Mose 9:20

Ninna ap o Aron his o baro Debles i bari rholi, oun yob kamas les te marell. Oun me mangom an ko tsiro ninna o Aroneske.

2. Mose 32:30

O vavar dives rakras o Mose ap i Israelitarya: “T'mer anan bari doosh oun ladj ap t'mende. Kanna kamau pale pash o baro Debleste ap i berga te djal, te mangap lestar, te bistrell lo t'mari doosh.”

2. Mose 32:11

O Mose mangas o baro Debles, kay leskro Devel his, oun penas: “Baro Devel, tiro zorelo vasteha anal tou tire menshen dran o them Egiptia vin, oun sikral tiri tseli zoor. Hoske kameh tou len kanna an tiri rholi temerl te dell?

1. Mose 20:7

Oun kanna, de koy romyat pale o romeste! Yob hi i Debleskro rakepaskro. Oun te mangell o Abraham touke, ačeh tou djido. Te deh lat gar pale, hounte meress oun lauter, hoy tiro hi.”

1. Mose 20:17

Har o Abimelek o Abrahameskri romyat las, kras o baro Devel, kay kek djouvel an o Abimelekeskro kheer i ternepen lella. Oun kanna mangas o Abraham o Debles lenge. Oun o Devel kras o Abimelekes sasto oun leskri romyat oun i djouvyen, kay leske boudran, yaake, te lan le pale čave.

2. Rajengro liil 13:4

Palle mangas o Yoakaz o baro Debles i ropaskri golyah, oun o baro Devel shounas les. Yob dikas, har o Israel tele rikedo vas, oun har o baro ray pral o them Syria lenge o djipen phares kras.

Jesaja 26:16

Baro Devel, an o pharo tsiro rodan tire menshe tout. Har dal len i phagi, dan le darenes ap toute gole.

2. Mose 8:4

Kote moukas o Farao o Moses oun o Arones pash peste gole te dell oun penas: “Mangenn o baro Debles, te lell lo i djambe mandar oun mire menshendar krik! Palle moukau i Israelitaryen te djal, te nay denn le o baro Debleske firhen temerl.”

2. Mose 10:17

Yaake mangau t'men, bistrenn miri doosh kokres kava yek kopo, oun mangenn t'maro baro Debles, te lell lo kava merepen mandar krik.”