4. Mose 20:12 - O Debleskro Lab 2024 (Sinte-Manouche)

¹² O baro Devel penas ap o Moseste oun ap o Aroneste: “T'mer patsan gar, hoy penom, oun sharan man gar glan kol Israelitarya. Doleske anenn t'mer gar kol menshen an ko them, hoy me len dau.”

O Debleskro Drom 2021 (Sinte)

¹² O baro Dewel penas ap o Moseste un ap o Aroneste: “Tumer patsan gar, hoi penom, un sharan man gar glan kol Israelitarja. Doleske anenn tumer gar kol menshen an ko them, hoi me len dau.”

4. Mose 20:12 Referans Kwoze

5. Mose 1:37

Oun dran kova, hoy t'mer kran, vas o baro Devel ninna rhoyedo ap mande oun penas: “Ninna tou, o Mose, vess gar an ko them!

Ezekiel 36:23

T'mer kran, kay vas djoungeles rakedo pral miro baro lab mank i menshende an vavar themma. Oun me krau, te vap pale sharedo. Kova hoy krau t'menge, sikrell lende, te hom čačepah o Devel. Oun yon hounte dikenn oun hayvenn, te hom me o baro Devel. Kova penau me, o baro Devel, t'maro ray.

4. Mose 27:14

Kova vell doleske, kay shounan gar ap miro lab an o moulo tato them Tsin, har i Israelitarya rhoyedo his oun pal pani gole dan, oun t'mer moukan man gar te sikrap, te hom čačepah o baro oun zorelo Devel, kay nay dell len pani.” Kova his pash o foro Kadesh an o moulo tato them Tsin. Ko pani vas kharedo čingepaskro pani.

4. Mose 20:24

“O Aroneskro tsiro nashas tele, oun yob vell gar an ko them, kay dom i Israelitaryen. T'mer shounan gar ap kova, hoy penom pash o pani Meriba.

Remarja 4:20

Yob rikras pes ap kova, hoy o Devel leske penas, oun yob patsas gar i paash djiyestar. Yaake vas leskro patsepen gomme zorleder. Oun yob sharas o Debles.

Louka 1:45

Barhteli hal tou! Tou patsal, te vell kova yaake, hoy o Devel touke penas.”

Louka 1:20

Ap o čačo tsiro vell kova yaake, har touke penom. Tou patsal mire laba gar, oun doleske lell o Devel tiro rakepen yaake rah krik, bis te vell ko dives, kay kova lauter vella.”

Mateo 17:20

Penas lo ap lende: “T'maro patsepen hi tikno. Čačepah, me penau t'menge: Te vals t'maro patsepen ninna tikno har i senftikro djob, nay penans t'mer ap kay berga: Čip tout ap koy vavar rig! Oun koy berga čivals pes ap i vavar rig. Oun či nashte vals, hoy t'mer nashte gar krans.”

Jesaja 8:13

O baro Debles, ko rayes pral o bolepen oun i phoub moukenn kokres t'maro Devel te vell! Oun kolestar darenn oun trashenn!

1. Petro 3:15

O Yezous Kristo kokres te vell o ray an t'mare djia! Oun te poučenn le t'mendar čomone pral t'maro patsepen, ma darenn kek tsiro, te penenn lenge, ap koneste t'mer patsenna.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

Mateo 17:17

Koy penas o Yezous: “T'mer čilače menshe, t'men hi kek patsepen! Har rah hounte ačap pash t'mende? Har rah marap man t'mentsa tele? Anenn les pash mande!”

Ezekiel 38:10

Kava penell o baro Devel, maro ray: An ko tsiro vell čomone pre an tiro dji, oun tou leh touke čilačo koova glan.

Ezekiel 20:41

Te soungau ko lačo soungepen, hoy dran kova vin vell, hoy t'mer mange rhačrenn, dikau lačes ap t'mende. Yaake vell kova an ko tsiro, kay lom t'men vin dran i themma oun natsyone, kay van tradedo. Oun i tsele vavar natsyone dikenn, te hom me o čačo Devel.

2. Familjakro liil 20:20

Oun yon stan sik taysarlake pre, oun djan vin an o moulo them Tekoa. Har yon vin djan, djas o Yosafat glan lende, oun penas: Morshale dran Youda oun Yerusalem, shounenn, hoy t'menge penau: Patsenn o baro Debleske, kay t'maro Devel hi, oun t'mer ačenn zorelo, patsenn, hoy leskre rakepangre t'menge penan, palle vell lauter mishto t'menge.

Josua 1:2

“O Mose, koles miro čačo vast his, hi moulo. Kanna dja tou oun i tsele Israelitarya pral o pani Yordan an ko them, hoy me len dau!

5. Mose 34:4

Oun o baro Devel penas ap leste: “Kava hi o them, kolestar penom oun me man sovel dom glan o Abraham, o Isaak oun o Yakob, te dap kava them lengre čavende, kay pal lende venna. Me moukom les tout tire yakentsa te dikell. Pral vergel djas tou gar.”

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

4. Mose 11:15

Te kameh tou mantsa yaake te krell, palle ab mange lačo oun de man moulo, te dikap gar miri bibarht.”

5. Mose 4:21

Oun dran kova, hoy t'mer kran, vas o baro Devel ninna rhoyedo ap mande, oun das pes sovel, te djap me gar vergel o lengsto pani Yordan, oun te vap gar an ko lačo them, hoy dell t'men t'maro baro Devel, te vell les t'menge.

Debleskri gili 99:8

Baro Devel, tou hal maro Devel. Tou shounal len, oun lal i doosh tire menshendar krik, ninna te dal len i phagi koleske, hoy yon kran.

Debleskri gili 106:32

Pash o pani Meriba rhoyran le pale o Debles, oun anan o Moses an i bibarht: