4. Mose 19:12 - O Debleskro Lab 2024 (Sinte-Manouche)

¹² Yob hounte thovell pes ap o triinto dives oun ap o eftato dives ko panyeha, hoy lell i pale-čiddo koova i menshestar krik. Palle vell lo djoudjo oun erligo. Te thovell lo pes gar yaake ap o triinto dives oun ap o eftato dives, ačell lo pale-čiddo.

O Debleskro Drom 2021 (Sinte)

¹² Job hunte thowell pes ap o triinto diwes un ap o eftato diwes ko panjeha, hoi lell i pale-tchiddo koowa i menshestar krik. Palle well lo djudjo un erligo. Te thowell lo pes gar jaake ap o triinto diwes un ap o eftato diwes, atchell lo pale-tchiddo.

4. Mose 19:12 Referans Kwoze

4. Mose 31:19

Oun t'mer halauter, kay dan yekes moulo oder kay tapran i moules an, ačenn efta divessa glan koy platsa, kay t'mare plarhtene khera hi. Ap o triinto dives oun ap o eftato dives thovenn t'men yaake har glan činlo hi, te venn pale djoudjo oun erligo. Ninna kol ča, kay lan t'menge pandlo, hounte thovenn pen yaake.

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”

Bičepangre 15:9

Leske hi yon gar vavarčandes har mer, i bibolde. Yon te patsenn ap leste, palle krell lo lengro dji djoudjo.

Hosea 6:2

Pal douy divessa dell lo men nevo djipen, oun ap o triinto dives moukell lo men pale ap i pire tardo te vell, te nay djivas glan leste.

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

Debleskri gili 51:7

Doosh hi ap mande, yaake rah har hom ap kay phoub, ninna har boldo vom, his o čilačepen ap mande.

3. Mose 7:17

Hi gomme o triinto dives čomone pral, hounte vell kova an i yag rhačedo.

2. Mose 19:15

Oun yob penas: “Rikrenn t'men djoudjo o triinto diveske! Oun kek morsh taprell an kava tsiro peskri romyat an!”

2. Mose 19:11

Yaake te venn le djoudjes mange koy tardo o triinto dives. Ap o triinto dives vau me, o baro Devel, glan i tsele menshende tele ap i berga Sinay.

3. Mose 14:7

oun vitsrell ko ratlo panyestar efta kope ap koleste, kay pale-čiddo his, te vell lo erligo. Oun moukell ko djido čirkles krik te djal.