4. Mose 18:24 - O Debleskro Lab 2024 (Sinte-Manouche)

²⁴ Kova, hoy i Israelitarya mange anenna, ko deshto kotar lauterestar, hoy ap lengre phoub bares vas, kova dau me kol Levitaryen. Kova hi lengro bravlepen. Doleske penom me ap lende, te vell len kek kotar phoub, har kol vavar Israelitarya lenna.

O Debleskro Drom 2021 (Sinte)

²⁴ Kowa, hoi i Israelitarja mange anenna, ko deshto kotar lauterestar, hoi ap lengre phub bares was, kowa dau me kol Levitarjen. Kowa hi lengro brawlepen. Doleske penom me ap lende, te well len kek kotar phub, har kol wawar Israelitarja lenna.

4. Mose 18:24 Referans Kwoze

4. Mose 18:26

Pen ap i Levitarya: Te anenn t'men i Israelitarya o deshto kotar kolestar, hoy ap lengre harhetikri phoub bares vas, – kova hi, hoy dau t'menge, – palle hounte denn t'mer kolestar mande ninna o deshto kotar.

4. Mose 18:25

Oun o baro Devel rakras o Moseha oun penas:

4. Mose 26:62

Oun i tsele morsh Levitarya, kay his yek čon oun phoureder, his khetne 23.000 (biish-te-triin-zerya). Yon lan kek them har i vavar Israelitarya. Doleske van le gar lentsa khetne ginlo.

5. Mose 10:9

Doleske vell i Levitaryen kek them har lengre phralen. Kova hoy yon lenna, vell dran lengri boudi o baro Debleske. Kova penas lenge t'maro baro Devel.

5. Mose 26:12

Hako triinto bersh aness tou o deshto kotar khetne halauterestar, hoy ap tiri phoub bares vas. Oun tou dess les i Levitaryen oun i vi-themaryen oun kol čaven, kolen kek dad bouder hi, oun kol romyen, kolengro rom meras, te vell yon ninna doha rhapaske an tiro foro.

3. Mose 27:30

O deshto kotar halauterestar, hoy baro vas ap i harhetikri phoub oun ap i rouka, hi o baro Debleske, oun hounte vell leske anlo.

Josua 13:14

I menshenge dran o kheer Levi vas kek kotar them dino. Yon lenn pengro kotar kol firhendar, hoy i Israelitarya o baro Debleske anenna, kay o Israeleskro Devel hi. Yaake vell kova, hoy i Levitaryen hounte vell djipaske, o baro Deblestar. Yaake penas lo les lenge.

Nehemia 10:38

Mer dah len ninna foun o nevo yarro oun kol neve roukengre, hoy ap mare rouka bares van, ninna foun i nevi mool oun o nevo djet oun čivenn kova lauter an i iseme pash maro Debleskro kheer. Ninna i Levitaryen te vell, hoy lenge hi: o deshto kotar lauterestar, hoy ap maro phoub baro vas. Kolla te venn oun lenn penge o deshto kotar an hako gab oun hako foro, kay mari harhetikri phoub hi.

Nehemia 13:12

Oun i tsele menshe dran Youda anan pale o deshto kotar pengro djobestar oun djetestar oun pengri molyatar an kol rhapangre khera.