4. Mose 15:39 - O Debleskro Lab 2024 (Sinte-Manouche)

³⁹ Oun kol dorya hi koleske koy: Yaake boud kope har t'mer kolla an-dikenn, vell t'menge an o shero halauter, hoy o baro Devel penas, – kol tsele laba, hoy hounte krenn. Yaake moukenn t'men gar o Debleskro dromestar tele te anell t'mare yakendar, vitar gar shounenn t'mer ap kova, hoy an t'maro shero trouyel djal.

O Debleskro Drom 2021 (Sinte)

³⁹ Un kol dorja hi koleske koi: Jaake bud kope har tumer kolla an-dikenn, well tumenge an o shero halauter, hoi o baro Dewel penas, – kol tsele laba, hoi hunte krenn. Jaake mukenn tumen gar o Debleskro dromestar tele te anell tumare jakendar, witar gar shunenn tumer ap kowa, hoi an tumaro shero trujel djal.

4. Mose 15:39 Referans Kwoze

Debleskri gili 106:39

oun kran pen pale-čiddo koleha, hoy yon kran, oun peran o baro Debleskro dromestar tele.

Debleskri gili 73:27

Koon toutar krik djal, djal tele. Oun koon moukell tout, koles aneh an o moulengro them.

Ezekiel 6:9

Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

Gosewe laba 28:26

Dinelo hi kova, kay krell kokres, hoy peskro dji leske penell. Koon djivell gosvepah, vell dran i bibarht vin lino.

Jakobo 4:4

T'mer rhorhran oun moukan o Debles! Djinenn t'mer gar, kay kolla, kay čivenn pengre djia ap i phoubyakro koova, kolla hi gar o Debleskre mala? Koon kamell ko drom te djal, hoy i menshe ap kay phoub djana, kova kamell o Debles gar.

Sikepaskro 11:9

Terno morsh, mouk tiro dji te givell an tire terne bersha! Ab barhtelo yaake rah, har terno hal. Kre, hoy tiro dji touke penella oun tire yakentsa mishto hi; oun biste gar, te vell i dives, kay rakrell o Devel o čačepen vin pral toute oun halauter, hoy kral.

Gosewe laba 3:1

Miro čavo, ma biste kova, hoy touke sikrom, rike mire laba an tiro dji!

Hiob 31:7

Te djan mire herya tele leskro dromestar, oun te nashas miro dji mire yakenge palla, oun te kran mire vasta čomone, hoy gar mishto hi,

5. Mose 29:19

Ap saveste dikell o baro Devel gar lačes, na-a, pral koleste rhačell leskro dji i rholyatar. Oun ko tselo praasepen oun i tseli bibarht, hoy an kava liil činlo hi, vell ap leste čiddo. Oun o baro Devel krell, te vell yob oun leskri familya bistedo ap i tseli phoub.

Hosea 2:2

Palle venn i menshe dran o them Youda oun i menshe dran o them Israel khetne. Oun khetne rodenn le penge yek pralstounes vin, te vell lo o ray pral lende. Oun yon djivenna an o tselo them. Havo baro dives vell ko dives, kay djal yaake, har o lab Yesreel kharell!

Jeremia 9:14

Doleske penell o baro Devel, ko ray pral o bolepen oun i phoub, kay o Israeleskro Devel hi: Me dau kal menshen shoutlo zenlepen rhapaske, oun pani, kolestar merenn le.

5. Mose 6:12

palle de yak, te bistress gar o baro Debles, kay anas tout vin dran o pandepen dran o them Egiptia.

5. Mose 4:23

Kanna denn t'men yak, te bistrenn gar, hoy t'maro baro Devel t'mentsa vin kras! Ma krenn t'menge i figura čomonestar, hoy mangenn an, har te vals i devel. T'maro baro Devel penas t'menge zoreles, te krenn kova gar.

2. Mose 13:9

Kava vell touke har i sikepen ap tiro vast, oun i sikepen mashkral tire yaka, te bistress tou kova gar, oun peness i vavarenge, har las tout o baro Devel peskro zorelo vasteha vin dran o them Egiptia.

5. Mose 8:11

Denn t'men yak, te bistrenn gar t'maro baro Debles, yaake te denn gar bouder yak ap leskre laba, oun ap leskro čačepen, oun ap halauter, hoy yob t'mendar kamella, kova hoy me t'menge kava dives penau, te hounte krenn.

5. Mose 8:14

palle denn yak, te venn gar pre-phourdo, oun bistrenn t'maro baro Debles, koles, kay anas t'men vin dran o them Egiptia, kay t'mer pandle boudepangre hans.

1. Rajengro liil 12:33

Ap o 15. (deesh-te-pančto) dives an o orhtato čon – ko čon, hoy yob peske kokres vin rodas, – djas o Yerobeam pash koy rhačepaskri, hoy yob kras an Betel, oun rhačras soungepaskro koova koy pre, te krell lo kote i festo i Israelenge.