4. Mose 14:33 - O Debleskro Lab 2024 (Sinte-Manouche)

³³ T'mer rikran t'men gar ap mire laba. Doleske hounte djan t'mare čave pengre firhentsa trouyel an o moulo tato them, star-deesh bersha, bis te ačell kek t'mendar bouder pral.

O Debleskro Drom 2021 (Sinte)

³³ Tumer rikran tumen gar ap mire laba. Doleske hunte djan tumare tchawe pengre viechentsa trujel an o mulo tato them, star-deesh bersha, bis te atchell kek tumendar buder pral.

4. Mose 14:33 Referans Kwoze

Ezekiel 23:35

Tou bistral man oun sikral man o doumo. Doleske hidje kanna tiri doosh, hoy ap toute anal, har vi-ladjedo koova kral oun har i loubni djival. Kova penell o baro Devel, maro ray.

4. Mose 32:13

Yaake vas o baro Debleskri rholi pral i Israelitarya, oun yob moukas len trouyel te djal an o moulo tato them star-deesh bersha, bis te kek bouder koy his kol tsele menshendar, kay rhoyran o baro Debles.

Debleskri gili 107:40

Koy moukas lo ladj ap lengre raya te perell, oun yon hounte nashan an o moulo them trouyel, kote kay kek drom hi.

5. Mose 2:14

Kova his 38 (triyanda-te-orhta) bersha pal ko dives, kay djam o ersto kopo dran Kadesh-Barnea. An ko tsiro bersha meran i tsele kourepangre dran Israel, yaake har o baro Devel pes sovel das, te vell kova yaake.

Hosea 9:1

Ma de gole i barhtyatar, Israel, har i menshe an vavar themma krenna! Tiro Deblestar djal tou krik oun vavar deblenge palla. Tou bikreh tout ap lende ap haki platsa, kay o djob vin dino vella.

Debleskri gili 107:4

Mank lende his save menshe, kay his nashedo an o moulo tato them. Kek drom hatsan le, vitar kek foro, kay menshe djivenna.

Josua 14:10

Oun kanna dik, o baro Devel rikras man ap o djipen, yaake har lo kova penas. Kanna djan 45 (star-deesh-te-panč) bersha trouyel, foun ko tsiro, har o baro Devel kal laba ap o Mose penas, har i Israelitarya an o moulo them trouyel djan. Kanna hom 85 (orhta-deesh-te-panč) bersha phouro.

5. Mose 1:3

An o star-deshto (40) bersh ap o ersto dives an o deesh-te-yekto čon penas o Mose ap i tsele Israelitarya halauter, hoy o baro Devel leske penas, te hounte krenn le.

4. Mose 33:38

Kote djas ko rashay Aron ap koy berga Hor, har o baro Devel leske kova penas, oun meras kote an o star-deshto bersh, har kol Israelitarya dran o them Egiptia vin djan, ap o ersto dives an o pančto čon,

4. Mose 5:31

Te his ko morshes gar čačo, lell lo kek phagi. Koy djouvel, te anas li doosh ap peste, hounte hidjrell peskri phagi.

Bičepangre 7:36

Kava Mose anas i Israelitaryen vin oun kras baro oun zorelo koova an o Debleskri zoor an o them Egiptia, oun pash o lolo pani, oun star-deesh bersha an o moulo them.

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

5. Mose 2:7

Ma bistrenn, maro baro Devel das men barht an halauter, hoy mare vasta kran. Yob das yak ap mende ap o drom an kava baro moulo them: Star-deesh (40) bersha his o baro Devel mentsa, oun halauter hoy men hounte vas, das lo men.

5. Mose 8:2

Ma bistrenn, har djas t'maro baro Devel glan t'mende an kol 40 (star-deesh) bersha, har djan an o moulo tato them trouyel. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi: Shounenn t'mer ap leskre laba oder gar?

5. Mose 8:4

An kol tsele star-deesh bersha djan t'mare koola ap t'mende gar paash, oun t'mare pire van gar pesso.

5. Mose 29:5

T'men his kek maro te rhal, oun kek mool oun vavar zorelo pipen te piyell. O baro Devel das t'men rhapaske, te hayvenn t'mer, te hi yob t'maro Devel.

Debleskri gili 78:33

Koy kras lo, te djal lengro djipen sik trouyel, oun lengre bersha his pherdi daar.