4. Mose 14:31 - O Debleskro Lab 2024 (Sinte-Manouche)

³¹ T'mare čave, kolendar t'mer penan: Yon perenn an i vasta kolendar, kay kouram men mer, kolen anau an ko them, kay t'mer gar kaman. Ko them vell lengro.

O Debleskro Drom 2021 (Sinte)

³¹ Tumare tchawe, kolendar tumer penan: ‘Jon perenn an i wasta kolendar, kai kuram men mer’, kolen anau an ko them, kai tumer gar kaman. Ko them well lengro.

4. Mose 14:31 Referans Kwoze

5. Mose 1:39

Palle penas o baro Devel ap mende lauterende: “T'mer penan: Mare čave perenn kolenge an i vasta, kay hi rhoyedo ap mende. Me penau t'menge: Yon, kay kava dives gomme gar djinenn, hoy mishto oun hoy čilačo hi, hi kolla, kay venn an o them dren, te lenn le les dren.

Debleskri gili 106:24

Oun lenge his ko shoukar them či moldo, oun patsan gar ap ko lab, hoy o Devel len das.

4. Mose 26:64

Mashkral kolende his kek bouder djido kolendar, kolengre laba o Mose oun o rashay Aron an i liil činan, har dikan le pal, har boud yon hi, an o moulo tato them Sinay.

4. Mose 26:6

o Hesron oun o Karmi. Kolendar venna i Henokarya, i Palluarya, i Hesronarya oun i Karmarya.

4. Mose 14:3

Hoske anell men o baro Devel an kava them, kay vah moulo dino o rhareha? Oun mare djouvya oun čave perenn an i vasta kolendar, kay kouram men mer. Hi feteder, te djah pale an o them Egiptia.”

Bičepangre 13:41

Yaake penas o Devel: T'mer, kay rikrenn o Debles dineleske, krenn bare yaka i daryatar oun merenn! Shounenn, me krau i baro koova an t'maro tsiro. Kova patsenn t'mer gar, te penell t'menge kova yek.”

Mateo 22:5

Oun kolla shounan gar ap lende oun djan penge. Ko yek djas ap peskro kotar phoub, ko vavar ap o mangepen.

Gosewe laba 1:30

Har penom lenge, hoy lenge lačo hi, kran le kova gar. Har dom len trad, dikan le krik.

Gosewe laba 1:25

T'mer moukan t'men či te penell, oun dan gar yak ap kova, hoy penom.

1. Mose 25:34

Oun o Yakob das maro oun i linsengro rhapen o Esaes te rhal. Koy rhas oun piyas yob, stas pre oun djas peske. Yaake his leske lauter či moldo, hoy o phoureder čavo lella.

Ezekiel 20:18

Oun me penom lengre čavenge an o moulo tato them: Ma rikrenn t'men ap kol laba, pal kolende t'mare phoure djivan! Ma djivenn pal lengre čačepangre laba! Rikrenn t'men pale lengre rhorhene deblendar, te venn t'mer gar pale-čiddo!

Josua 5:7

I čave kolendar, kay moulo his, moukas o baro Devel bares te vell. Yon his gomme gar činlo ap pengro mass. Oun kolen činas o Yosua kanna ap lengro mass.

Nehemia 9:24

Oun i čave van an ko them oun lan les dren. Oun tou kral len zorleder har i Kanaanitarya, kolla, kay an ko them djivan, oun dal lengre bare rayen oun ninna i menshen an lengro vast, oun yon nay kran lentsa, hoy yon kaman.