4. Mose 13:17 - O Debleskro Lab 2024 (Sinte-Manouche)

¹⁷ Oun o Mose bičras len, te hatsenn le vin har ko them Kanaan hi. Oun yob penas ap lende: “Djan koy pre an o moulo tato them Negev, oun palle djan ap o pralstouno them!

O Debleskro Drom 2021 (Sinte)

¹⁷ Un o Mose bitchras len, te hatsenn le win har ko them Kanaan hi. Un job penas ap lende: “Djan koi pre an o mulo tato them Negev, un palle djan ap o pralstuno them!

4. Mose 13:17 Referans Kwoze

Čačepangre 1:9

Pal kova djan i morsha dran o kheer Youda tele, te kourenn le pen kolentsa an o them Kanaan, kay ap i berge djivenn, oun kote kay o kham pralstounes tardo hi, oun kolentsa, kay an o telstouno them djivenn.

1. Mose 12:9

Pal kova djas yob doureder oun vas pash ko them Negev.

Čačepangre 1:19

O baro Devel his i morshentsa dran Youda. Doleske las o Youda o pralstouno them dren. Kolla, kay an o telstouno them djivan, len his sasterne vourdya o kourepaske. Doleske nay tradan le len gar vin.

Čačepangre 1:15

Oun yoy penas ap leste: “De man lačepen! I phoub, hoy tou man dal, kote kay o kham pralstounes hi, hi gar sapeno. De man ninna i them, kay panyengre hi!” Oun yob das lat pestar kol panya, hoy kharenna pralstouno pani oun telstouno pani.

Josua 15:3

doureder pash i berga Akrabbim, oun kotar doureder an o moulo them Tsin, oun pale doureder troul o foro Kadesh-Barnea ap koy rig, kay o kham pralstounes tardo hi, oun doureder bis pash kol forya Hesron oun Addar, oun doureder pash o foro Karka,

1. Mose 13:1

O Abram djas dran o them Egiptia: yob oun leskri romni oun halauter hoy les his, oun leskro phraleskro čavo Lot. Oun yon djan an o them Negev.

5. Mose 1:44

Oun i Amorarya, kay kote djivan, van vin oun djan ap t'mende pre, oun tradan t'men an o them Seir, har bine yekes palla lenn. Oun dan t'men pash o foro Horma.

4. Mose 14:40

Oun yon djan taysarlake pral ap i berga, oun penan: “Mer anam doosh ap mende. Ake ham, oun kamah an ko them te djal, kolestar o baro Devel rakras.”

4. Mose 13:29

An o them Negev djivenn i Amalekarya. An o pralstouno them djivenn i Hetarya, i Yebousarya oun i Amorarya. Pash o baro pani oun pash o pani Yordan djivenn i Kanaanitarya.”

1. Mose 14:10

An i tala Siddim his boud rhebya an i phoub, kay pherdo teera his. I raya pral i forya Sodom oun Gomorra pengre lourdentsa hounte nashan penge. Oun boud peran an kol rhebya. Oun kol vavar, kay pral ačan, nashan an i berge.

1. Mose 13:3

Oun ko themestar Negev djas yob doureder foun yek platsa ap i vavar. Oun vas pash o foro Betel ap koy platsa mank Betel oun Ai, kay leskro plarhteno kheer o ersto kopo tardo his.

1. Mose 13:17

Dja trouyel an o tselo them! Tout dau ko tselo them.”

4. Mose 13:18

Oun dikenn t'men an ko them trouyel, har kova hi, oun kitse menshe kote djivenn, oun har zorelo yon hi.

Josua 2:1

Oun har yon ap i platsa Shittim his, bičras o Yosua, koleskro dad o Noun hi, čorrhanes douy morshen vin oun penas ap lende: “Djan oun dikenn, har zorelo o them hi, ninna o foro Yericho!” Koy djan le oun van an i kheer, kay i loubni djivas. Koya kharas Rahab. Oun yon djan dren, te ačenn le kote pral i rat.

Josua 10:40

Yaake las o Yosua o tselo them dren: o pralstouno them, oun o them, kay o kham pralstounes hi, ninna o telstouno them oun o them ap i berge, – ko tselo them mank Kadesh-Barnea oun Gaza, oun mank Gosen oun Gibeon. O Yosua das i tsele bare rayen moulo, ninna lengre tsele menshen. Oun yob moukas kekes ap o djipen te ačell, yaake har penas leske o baro Devel, – o Devel pral o Israel.