4. Mose 12:1 - O Debleskro Lab 2024 (Sinte-Manouche)

^1-2 Koy rakras i Miryam oun o Aron djoungeles pral o Moseste oun penan: “Kova hi gar mishto, te las yob peske i romyat, kay hi i menshendar Koush. Rakras o baro Devel kokres ap o Moseste? Rakras lo mentsa gar?” Oun o baro Devel shounas kova.

O Debleskro Drom 2021 (Sinte)

^1-2 Koi rakras i Mirjam un o Aron djungeles pral o Moseste un penan: “Kowa hi gar mishto, te las job peske i romjat, kai hi i menshendar Kush. Rakras o baro Dewel kokres ap o Moseste? Rakras lo mentsa gar?” Un o baro Dewel shunas kowa.

4. Mose 12:1 Referans Kwoze

2. Mose 2:21

O Regouel poučas o Mosestar, te ačell yob pash leste, oun o Mose penas: “Ava! Mishto!” O rashay das peskri čay, i Sefora, leste, te romedinerell yob lat.

1. Mose 27:46

Oun i Rebekka penas ap o Isaakeste: “Kol douy rhalya, kol Hetarya, kolen o Esau romedineras, krenn mange miro djipen pharo. Te romedinerell ninna o Yakob i čat dran kava them, i Hetaretsa, vals feteder, te merap.”

1. Mose 24:37

Ap mande penas miro ray: De tout sovel, te less miro čaveske kek romni dran o them Kanaan.

Galatarja 4:16

Kanna, kay penau t'menge o čačepen, han t'mer čilačo ap mande?

Johanni 7:5

Leskre phrala patsan gar ap leste. Doleske rakran yon yaake.

Mateo 10:36

Oun kova, kay ap o vavareste rhoyedo hi, djivell leha an leskro kheer khetne.

1. Mose 24:3

oun de tout sovel ap o baro Debleste, ap o Debleste pral o bolepen oun i phoub, te less miro čaveske kek romyat, kay vell kate dran o them Kanaan.

3. Mose 21:14

kek djouvel kolakro rom meras, kek djouvel, kay peskro romestar mouklo vas, kek loubni, – kokres i čay i menshendar Israel.

2. Mose 34:16

T'mer romedinerans t'mare morsh čaven lengre čentsa. Oun kolla djouvya anans t'mare morsh čaven o Debleskro dromestar tele, te mangenn le ninna kol deblen dran kasht oun bar an.

1. Mose 41:45

Oun o baro ray das o Yosefes o lab Zafenat-Panea. Ninna das yob les i romni, i Asnat. Lakro dad his o Potifera. Kova his o rashay an o foro On. Yaake las o Yosef i zoor pral o tselo them Egiptia.

Johanni 15:20

Rikrenn an t'maro shero, hoy me t'menge penom: I boudepaskro hi gar bareder har leskro ray. Lan man yon palla, lenn yon t'men ninna palla. Te shounan yon ap kova, hoy me lenge penom, shounenn yon ninna, hoy t'mer lenge penenna.

Mateo 12:48

Penas lo ap koleste: “Me kamau touke te sikrell, koon miri day oun mire phrala hi.”

2. Mose 2:16

O rashay an ko them Midian his efta ča. Kolla van pash i brounna, te denn le pengro dadeskre bakre oun bouzya pani te piyell.

4. Mose 14:22

Kol tsele morsha, kay dikan miro raylepen oun ko baro oun zorelo koova, hoy krom an o them Egiptia oun an o moulo tato them, oun kaman boud kope gar te patsell, kay hom lentsa, oun shounan gar ap kova, hoy me penom,

4. Mose 26:59

Koleskri romni kharas Yokebed, lakro dad his o Levi. Koya vas boldo an o them Egiptia. Oun yoy anas o Aron, o Mose oun lengri pheen, i Miryam ap i phoub.