3. Mose 8:25 - O Debleskro Lab 2024 (Sinte-Manouche)

²⁵ Yob las o thulepen kava maredo bakrestar: i thoulli pori, ninna o thulepen, hoy ap i bouke hi, oun ko kotar, hoy pral i lebra hi, oun kol douy nire oun lengro thulepen, hoy ap lende hi, oun o pralstouno kotar i čači heryatar.

O Debleskro Drom 2021 (Sinte)

²⁵ Job las o thulepen kau maredo bakrestar: i thulli pori, ninna o thulepen, hoi ap i buke hi, un ko kotar, hoi pral i lebra hi, un kol dui niere un lengro thulepen, hoi ap lende hi, un o pralstuno kotar i tchatchi herjatar.

3. Mose 8:25 Referans Kwoze

Jesaja 53:10

O baro Devel kamas kova yaake, te vas lo phagedo. Yob moukas ap leste douka te vell. Pal kova, kay das lo peskro djipen i doshake i menshendar, dikell lo čaven, kay lestar venna, oun djivell i lengsto djipen. Oun kova, hoy o baro Devel peske glan las, vell lestar kerdo.

Gosewe laba 23:26

Miro čavo, kre tiro dji mange pre, oun dja ap mire dromma!

3. Mose 3:9

I feteder kotya o firhestar venn rhačedo o baro Debleske. Kal kotya hi: o thulepen, i thoulli pori, tele činlo pash o palstouno kokalo, ninna ko thulepen ap oun pral i bouke,

2. Mose 12:9

Ma rhan ko mass yales, vitar gar keredo an o pani! Pral i yag vell o tselo bakro peklo, o shero, i herya, ninna i bouke.

2. Mose 29:13

Le o tselo thulepen, hoy ap i bouke hi oun ko thoullo kotar, hoy pral i lebra hi, oun kol douy nire oun lengro thulepen, hoy ap lende hi! Kova lauter rhačress tou ap o Debleskri sasterni rhačepaskri, te djal lauter an i yagakro dourho pre.

3. Mose 8:24

Palle moukas lo o Aroneskre morsh čave te vell. oun makas ko ratestar tella ap lengro čačo kand, ninna ap o pesso goushto ap lengre čače vasta, oun ap o baro tsebo lengre čače pirendar. O tselo vavar rat čoras o Mose troul i rhačepaskri vin.

3. Mose 8:26

Dran koy korba an kolate o maro hi, an koleste kek shoutlo yarro hi, oun hoy o baro Debleske dino vas, las lo yek merkli, kay kek shoutlo yarro dren hi, yek djeteskri merkli, oun yek sano maro. Oun čivas len ap ko kotya thulepen, oun ap ko pralstouno kotar o čači heryatar.