3. Mose 7:37 - O Debleskro Lab 2024 (Sinte-Manouche)

³⁷ Kava hi hoy glan činlo vas: pral ko firho, koleskro tselo mass rhačedo vell; pral o rhapen dran djob, hoy o Debleske anlo vell; pral ko firho, hoy maredo vell, te vell i doosh oun o pale-čiddo koova krik lino; pral ko firho, hoy maredo vell, te vell o mensheskri doosh pale mishto kerdo; pral ko firho, hoy maredo vell ap ko dives, kay vell o rashay an peskri boudi dren čiddo; pral ko firho, hoy rhan le khetne, koleskre feteder kotya o Debleske rhačedo van.

O Debleskro Drom 2021 (Sinte)

³⁷ Kawa hi hoi glan tchinlo was: pral ko viecho, koleskro tselo mass chatchedo well; pral o chapen dran djob, hoi o Debleske anlo well; pral ko viecho, hoi maredo well, te well i doosh un o pale-tchiddo koowa krik lino; pral ko viecho, hoi maredo well, te well o mensheskri doosh pale mishto kerdo; pral ko viecho, hoi maredo well ap ko diwes, kai well o rashai an peskri budi dren tchiddo; pral ko viecho, hoi chan le khetne, koleskre feteder kotja o Debleske chatchedo wan.

3. Mose 7:37 Referans Kwoze

2. Mose 29:1

Oun kova kre, te vell o Aron oun leskre čave rashaya mange. Le i terno gouroum oun douy morsh bakre, hoy sasto hi.

3. Mose 6:20

Hako vavar, kay ko mass an-taprell, lell peskri phagi. Te vell čomone ko ratestar ap yekeskre koola, palle hounte thovell lo ko kotar ap i platsa, hoy djoudjo hi o Debleske.

3. Mose 1:1

Oun o baro Devel das o Moses gole, oun rakras dran o Debleskro plarhteno kheer vin oun penas:

2. Mose 29:22

Kava douyto bakro vell doleske maredo, te nay vell o Aron peskre čaventsa an pengri boudi dren čiddo. Le o thulepen kay maredo bakrestar: i thoulli pori, ninna o thulepen, hoy ap i bouke hi oun ko kotar, hoy pral i lebra hi oun kol douy nire oun lengro thulepen, hoy ap lende hi! Le ninna o pralstouno kotar i čači heryatar.

3. Mose 5:7

Te hi ko morsh čorvelo oun nay anell kek bakri vitar kek bouzni, nay anell lo douy taube. Kolla nay hi douy divye taube oder douy vavar taube, yek, te vell i doosh krik lino, oun yek, hoy o baro Debleske tseles rhačedo vell.

3. Mose 8:22

Yob moukas o douyto morsh bakro te anell, kay doleske maredo vell, te venn i rashaya an pengri boudi dren čiddo. Oun o Aron oun leskre čave čivan pengre vasta ap o firheskro shero.

3. Mose 8:23

Oun o Mose maras les, las leskro ratestar oun makas les tella ap o Aroneskro čačo kand, ninna ap o pesso goushto ap leskro čačo vast, oun ap o baro tsebo leskro čačo pirestar.