3. Mose 7:13 - O Debleskro Lab 2024 (Sinte-Manouche)

¹³ Pash kova, hoy anenn le, te parkrenn le pen pash o baro Debleste, anenn le mare, hoy shoutlo yarreha kerdo vas.

O Debleskro Drom 2021 (Sinte)

¹³ Pash kowa, hoi anenn le, te parkrenn le pen pash o baro Debleste, anenn le mare, hoi shutlo jarreha kerdo was.

3. Mose 7:13 Referans Kwoze

Amos 4:5

Anenn shoutlo maro o Debleske, te parkrenn pen pash leste! Denn vin gole, te anenn i menshe pendar čomone o Debleske! Oun palle denn vin gole, hoy hakeno anas. Savo koova kamenn t'mer yaake, t'mer Israelitarya! Kova penell o baro Devel, maro ray.

3. Mose 23:17

Haki familya anell douy mare, hakeno kerdo dran douy-te-paash kilogramme lačo yarro. Kol douy mare hadell o rashay pre glan o baro Debleste, te sikrell lo, kay kolla leske hi. Kal mare hi peklo yarreha, kay shoutlo yarro dren hi. Kal mare, hoy o baro Debleske anlo venn, hounte venn kerdo dran nevo gib.

1. Timoteo 4:4

Lauter, hoy o Devel kras, hi lačo. Oun či hi pale-čiddo, te parkrah men mer koleske pash o Debleste.

Mateo 13:33

Oun pale penas o Yezous lenge laba, kay i khatedo čačepen dren hi: Oun yob penas: Kote, kay o Devel i menshen pash peste gole della, te djan le ap leskro drom, hi kova yaake har pash i kotar shoutlo yarro, hoy las i djouvel oun čivas les mashkral an i baro čaro parno yarro. Oun ko tikno kotar shoutlo yarro kras ko tselo yarro shoutlo.

3. Mose 2:12

Ap ko tsiro, kay anenn o nevo djob o baro Debleske, nay anenn t'mer shoutlo yarro oun gvin, – ap leskri rhačepaskri nay rhačrenn kova gar. Kova hi kek koova, hoy rhačedo vell, te soungell lo lačes o Debleske.

3. Mose 23:18

Pash ko maro anenn t'mer efta bakre, yek bersh phouro oun sasto, ninna yek terno gouroum oun douy morsh bakre. Kolla venn maredo oun rhačedo o baro Debleske. Khetne lentsa vell leske o rhapen dran yarro rhačedo, oun i mool glan leste vin čoredo. Oun ko lačo soungepen, hoy vell vin, soungella mishto o baro Debleske.

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.