3. Mose 6:7 - O Debleskro Lab 2024 (Sinte-Manouche)

⁷ Oun yaake hounte vell kerdo o yarreha, hoy o baro Debleske dino vell. I rashaya dran o kheer Aron anenn les glan o baro Debleste pash koy rhačepaskri.

O Debleskro Drom 2021 (Sinte)

⁷ Un jaake hunte well kerdo o jarreha, hoi o baro Debleske dino well. I rashaja dran o kheer Aron anenn les glan o baro Debleste pash koi chatchepaskri.

3. Mose 6:7 Referans Kwoze

3. Mose 4:26

Oun o tselo thulepen rhačrell lo ap i rhačepaskri yaake, har rhačrell lo o thulepen ko firhestar, hoy yek o Debleske anell, te rhan le les khetne glan leste. Yaake krell o rashay, te vell lauter pale mishto mank o pralstuneste oun o baro Debleste. Oun o baro Devel bistrell leskri doosh.

1. Johanni 1:9

Mer te mangah men tele glan o Debleste, oun penah leske, havi doosh mer ap mende lam, palle krell lo, hoy yob penas oun lell i doosh mendar krik. Yob hi lačo oun čačo oun thovell o tselo čilačepen mendar tele.

1. Johanni 1:7

Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.

Mateo 12:31

Čačepah, me penau t'menge kanna: O Devel nay bistrell hako čilačo koova, hoy i menshe kran. Oun yon te rakrenn djoungele laba pral leste, yaake nay bistrell lo kova ninna. Yek penell djoungele laba pral o Debleskro Dourho, palle bistrell lo kova gar.

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Ezekiel 33:19

Oun te moukell o čilačo peskro čilačo drom, oun krell, hoy mishto oun lačo hi, palle ačell lo doleske djido.

Jesaja 1:18

“Avenn”, penell o baro Devel, “te kras men tel mende o čačepen vin! Te hi i doosh, hoy t'mer ap t'mende anan yaake lolo har o rat, palle vell li parno, yaake parno har gib. Oun te hi li lolo har i jag, palle vell li yaake parno har o bakrengro bal.

3. Mose 5:18

Yob hounte anell o rashayeske i bakro, hoy sasto hi, te vell leskri doosh pale mishto. Kava bakro hounte vell yaake boud moldo, har tou peneh. Koleha krell o rashay, te vell lauter pale mishto mank o Debleste oun ko mensheste, kay gar djinas, kay kova, hoy lo kras, i doosh his. Oun o baro Devel bistrell leskri doosh.

3. Mose 5:13

Yaake krell o rashay, te vell i doosh kolestar krik lino, hoy doosh ap peste anas an hako koova, kolestar kate penlo vell. Oun lauter vell pale mishto mank ko mensheste oun o baro Debleste. Oun o baro Devel bistrell leskri doosh. O yarro, hoy pral ačell, hi o rashayeske, yaake har pash o vavar rhapen dran djob, hoy o Debleske dino vas.

3. Mose 5:10

Oun koy vavar tauba rhačrell lo yaake, har o baro Devel penas, te vell kerdo i firheha, hoy tseles rhačedo vell. Yaake krell o rashay, te vell lauter pale mishto mank ko mensheste oun o baro Debleste. Oun o baro Devel bistrell koy doosh, hoy ko mensho ap peste anas.

3. Mose 4:31

Oun o tselo thulepen činell lo tele, yaake har činell lo o thulepen tele ko firhestar, hoy yek o Debleske anell, te rhan le les khetne glan leste. Oun ko rashay rhačrell kal thoulle kotya ap o Debleskri rhačepaskri, te vell i lačo soungepen vin, hoy baro Debleske mishto soungella. Yaake krell o rashay, te vell lauter pale mishto mank ko mensheste oun o baro Debleste. Oun o baro Devel bistrell leskri doosh.

3. Mose 4:20

Oun yob krell kava firheha yaake har yob kova ko firheha kras, hoy yob peskri doshake maras. Yaake krell o rashay, te vell lauter pale mishto mank i Israelitarya oun o baro Debleste. Oun o baro Devel bistrell lengri doosh.

2. Mose 34:7

Me sikrau miro lačepen ap lengre čavende oun kolengre čavende oun kolengre čavende oun zerya kope yaake doureder. Oun bistrau lengri doosh oun lau lengro čilačepen krik. Koles, kay kamell mandar či te djinell, dau i phagi, oun gar koles kokres, na-a ninna leskre čaven oun kolengre čaven yaake rah har triin, star familye, yek pal i vavar, djivan.”

3. Mose 6:8

Yek lendar lell kolestar i vast pherdo yarro, kay djet dren hi, ninna ko tselo soungepaskro koova, hoy pral o yarro čiddo hi, oun moukell kova ap o Debleskri rhačepaskri pre te rhačrell. Yaake sikrell lo, te hi ko tselo rhapen o baro Debleske. Oun ko lačo soungepen, hoy vell vin, soungell mishto o baro Debleske.

3. Mose 7:2

Ap koy platsa, kay vell ninna ko firho maredo, koleskro tselo mass rhačedo vell, ap kay platsa hounte vell ko firho maredo, hoy yek anas, te vell leskri doosh pale mishto kerdo. Oun o firheskro rat vell vin čoredo troul o Debleskri rhačepaskri.

3. Mose 2:1

Te kamell yek i rhapen dran djob glan o baro Debleste te anell, palle anell lo lačo yarro oun čorell djet pral vergel oun čivell soungepaskro koova koy pral.