3. Mose 4:7 - O Debleskro Lab 2024 (Sinte-Manouche)

⁷ Ninna makell lo ko ratestar ap i shinga, hoy ap i star ekke o bobestar hi, kay o soungepaskro koova rhačedo vell. Ko bob hi tardo an o Debleskro plarhteno kheer. O tselo vavar rat čorell lo vin tella pash koy rhačepaskri, kay i firhe rhačedo venna. Koy rhačepaskri hi tardo vin glan o voudar o Debleskro plarhteno kherestar.

O Debleskro Drom 2021 (Sinte)

⁷ Ninna makell lo ko ratestar ap i shinga, hoi ap i star ekke o bobestar hi, kai o sungepaskro koowa chatchedo well. Ko bob hi tardo an o Debleskro plachteno kheer. O tselo wawar rat tchorell lo win tella pash koi chatchepaskri, kai i vieche chatchedo wenna. Koi chatchepaskri hi tardo win glan o wudar o Debleskro plachteno kherestar.

3. Mose 4:7 Referans Kwoze

3. Mose 8:15

Oun o Mose maras les kote, oun las čomone ko ratestar, oun makas peskro goushteha ko rat ap i shinga, hoy pral ap i star ekke ap i rhačepaskri hi. Ko tselo vavar rat čoras lo tella pash i rhačepaskri vin. Yaake las lo koy tseli doosh oun ko tselo pale-čiddo koova krik, hoy ap koy rhačepaskri his, te nay vell li o Debleske dino.

3. Mose 9:9

Oun leskre morsh čave anan leske o rat. Oun yob čivas peskro goushto an o rat, oun makas čomone ko ratestar ap i shinga, hoy ap i star ekke pral ap i rhačepaskri hi. Oun o vavar rat čoras lo tella pash i rhačepaskri.

3. Mose 16:18

Palle djal yob vin pash koy rhačepaskri, hoy glan o baro Debleskro plarhteno kheer tardo hi, oun lell čomone ko gouroumeskro ratestar oun koy bouzyakro ratestar, oun makell kova ap i shinga, hoy ap i star ekke ap koy rhačepaskri hi, te vell koy doosh oun ko pale-čiddo koova krik lino foun koy rhačepaskri.

3. Mose 5:9

Yob vitsrell ko ratestar ap i rig foun i rhačepaskri, oun moukell o tselo vavar rat vin ratell tella pash i rhačepaskri. Yaake hounte vell i firheha kerdo, hoy maredo vell, te vell i doosh krik lino.

3. Mose 4:34

Oun o rashay lell peskro goushteha ko ratestar oun makell les ap i shinga, hoy ap i star ekke pral ap koy rhačepaskri hi, kay i firhe rhačedo venna. O tselo vavar rat čorell lo vin tella pash i rhačepaskri.

3. Mose 4:18

Ninna makell lo ko ratestar ap i shinga, hoy ap i star ekke o bobestar hi, kay o soungepaskro koova rhačedo vell. Ko bob hi tardo glan o baro Debleste an leskro plarhteno kheer. O tselo vavar rat čorell lo vin tella pash koy rhačepaskri, kay i firhe rhačedo venna. Koy rhačepaskri hi tardo vin glan o voudar o Debleskro plarhteno kherestar.

3. Mose 4:30

Oun o rashay lell peskro goushteha ko ratestar oun makell les ap i shinga, hoy ap i star ekke pral ap koy rhačepaskri hi, kay i firhe rhačedo venna. O tselo vavar rat čorell lo vin tella pash i rhačepaskri.

Hebrearja 9:21

Oun ap o Debleskro tikno kheer čoras lo ninna o rat, ninna ap i tsele čare oun khore, kay kote dren hi.

Hebrearja 9:15

Har o Yezous Kristo meras, las lo i doosh kol menshendar krik, kay djan ap o phouro drom, oun kras lenge i nevo drom, kay nay venn le pash o Debleste, te djivenn lauter kolla, kay o Devel peske gole das, leha khetne hako tsiro, oun te lenn le ko shoukar bravlepen pash leste an o bolepen, yaake har yob penas.

Efesarja 2:13

Ap ko tsiro hans t'mer dour o Deblestar. Kanna prindjrenn les. O Yezous Kristo anas t'men ap peskro drom, har yob ap o troushel peskro rat t'menge ratas.

Debleskri gili 118:27

O baro Devel hi kokres o Devel. Kamles dikell lo ap mende. Avenn, lenn palmtikre patria an o vast, oun djan khelepah glan o Debleskri rhačepaskri!

Debleskro tsiro 6:9

Oun o terno bakro pandas i pančti dori pre, hoy rikras ko liil khetne. Oun me dikom kol tsele menshen, kay rikran zoreles ap o Debleskro lab, oun sikran i menshende o Debleskro drom, oun van doleske maredo. Yon his tardo pash o Debleskri rhačepaskri.

3. Mose 4:25

Oun o rashay lell peskro goushteha ko ratestar oun makell les ap i shinga, hoy ap i star ekke pral ap koy rhačepaskri hi, kay i firhe rhačedo venna. O tselo vavar rat čorell lo vin tella pash i rhačepaskri.

2. Mose 29:12

Čip tiro goushto an o rat oun mak les ap i shinga, hoy pral ap o Debleskri sasterni rhačepaskri hi. Oun o tselo vavar rat čore tella glan o Debleskri rhačepaskri vin!

3. Mose 1:5

Palle marell lo kay groumni glan o baro Debleskro kheer. Oun kol rashaya dran o kheer Aron lenn o rat oun čorenn les troul o Debleskri rhačepaskri ap leskre star rigya. Kay rhačepaskri hi tardo glan o voudar o plarhteno kherestar.