3. Mose 27:28 - O Debleskro Lab 2024 (Sinte-Manouche)

²⁸ Halauter, hoy das yek kolestar, hoy leskro hi, te vell kova hako tsireske o baro Debleske, nay vell gar bikedo, vitar gar pale ginlo – nay vell i mensho, i firho oder i kotar phoub. Kova hoy o baro Debleske hako tsireske dino vas, čačepah, kova ačell leske.

O Debleskro Drom 2021 (Sinte)

²⁸ Halauter, hoi das jek kolestar, hoi leskro hi, te well kowa hako tsireske o baro Debleske, nai well gar bikedo, witar gar pale ginlo – nai well i mensho, i viecho oder i kotar phub. Kowa hoi o baro Debleske hako tsireske dino was, tchatchepah, kowa atchell leske.

3. Mose 27:28 Referans Kwoze

2. Mose 22:20

Ma krenn kolen o djipen phares, kay hi vi-themarya pash t'mende! Oun moukenn len gar čičeske t'menge te boudrell! Bistrenn gar, te hans t'mer ninna vi-themarya an o them Egiptia.

3. Mose 27:21

An ko tsiro, kay vell i siyaan mouklo, ačell ko kotar phoub o baro Debleske. Oun o rashay lell les.

5. Mose 25:19

Ap ko tsiro, kay lan t'mer ko them dren, hoy t'maro baro Devel t'men dell, oun t'mer bouder gar an o kourepen han kolentsa, kay troul t'mende djivenn, palle denn kol tsele Amalekaryen moulo, yaake te ačell či lendar pral, hoy sikrell, te his i tsiro, kay djivan le. Oun kova bistrenn gar!

1. Samuel 15:18

Oun o baro Devel bičras tout pash i čilače Amalekarya oun penas touke: Mare len oun de lauter paash, hoy len hi! Koure tout lentsa, bis te lauter moulo hi.

Josua 7:1

I Israelitarya rikran pen gar ap o Debleskro lab, hoy yob penas, te vell halauter an o foro Yericho leskro. Yek lendar, o Akan, las čomone peske. O Akaneskro dad his o Karmi, koleskro dad his o Sabdi, oun koleskro dad his o Zera. Oun kolla his morsha dran o kheer Youda. Har o Akan kova kras, las o baro Devel i bari rholi pral i Israelitarya.

Josua 6:26

Ap ko tsiro das pes o Yosua sovel: “Mou dell o baro Devel bibarht ap ko morsheste, koon kava foro pale pre čivell. Te čivell lo i telstoune barra pre, hounte merell leskro phoureder čavo. Te čivell lo i bare voudya dren, merell leskro terneder čavo.”

4. Mose 18:14

Lauter, hoy i Israelitarya an mire vasta dan, hi t'menge.

Galatarja 3:13

Mer nashte rikram kova lauter gar. Oun dran kova vam tel o Debleskro praasepen. Oun o Yezous Kristo las ko praasepen mendar krik, har yob ap o troushel dino vas, oun yaake menge praasedo vas. O Debleskro lab penella: Hakeno, koon ap o troushel dino vella, hi praasedo.

Galatarja 3:10

Kol vavar, kay rikrenn pen ap o Moseskre laba, oun kamenn yaake čačo te vell glan o Debleste, kolla hi tel o Debleskro praasepen. O Debleskro lab penella: Hakeno hi praasedo, koon gar lauter krella, hoy o Moseskre laba penenna. Oun kek mensho hi koy, kay krell lauter, hoy o Moseskre laba penenna.

1. Korintarja 16:22

Koon o Yezouses, maro rayes, gar kamella, ap koleste vell i bibarht! Maranatha!

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

1. Samuel 15:3

Doleske dja kanna an o kourepen oun koure tout i Amalekarya, oun de len halauter moulo: morsha oun djouvya, čave oun ternepen, groumya oun bakre, khamele oun bourike.”

Čačepangre 21:18

Mare čen nay dah len gar te romedinerenn le len. I tsele Israelitarya dan pen sovel, oun penan: Praasedo vell kova, hoy i Benyamines i djouvyat dell.”

Čačepangre 21:11

Hako morshes oun morsh čaves denn moulo, oun ninna haki djouvel, kay romedini hi! Kokres i terne čen moukenn djido!”

Čačepangre 21:5

Oun i Israelitarya poučan mank pende: “Dell kol 12 (deesh-te-douy) bare familyendar, kay venn o Yakobeskre čavendar, yek, kay vas gar pash o tsillo glan o baro Debleste?” Kova his yaake, har i menshe khetne gole dino van, te venn le an Mispa, dan le pen i bari sovel oun penan: “Koon vell gar an Mispa glan o baro Debleste, kova hounte merell.”

Josua 7:25

Oun o Yosua penas: “Yaake har tou men an i bibarht anal, yaake anell tout o baro Devel kanna an i bibarht!” Oun i tsele Israelitarya hadan barra pre oun vitsran len ap lende, te meran le. Oun palle rhačran le len pre.

3. Mose 27:27

Te hi ko firho kol firhendar, kay pale-čiddo hi, palle ginell les peskro ray pale, pal kova hoy o rashay penell, te hi ko firho moldo. Oun yob dell o pančto kotar gomme pashel. Te vell ko firho gar vin ginlo, palle vell lo kol lovenge, hoy o rashay penas, bikedo.

3. Mose 27:29

Te hi kova i mensho, nay vell lo gar vin ginlo. Yob hounte vell maredo.

5. Mose 7:26

T'mer hounte anenn kek savi figura an t'mare khera, te venn t'mer gar lentsa khetne moulo dino. Čačepah, dikenn ap lende har ap i djoungelo koova, oun denn len paash.

Ezekiel 44:29

Lengro rhapen lenn le kolestar, hoy glan mande anlo vell, ko djobestar oun kol firhendar, hoy maredo venn, te vell i doosh oun o pale-čiddo koova krik lino, oun kol firhendar, hoy venn maredo, te vell lauter pale mishto. Ninna lenn le halauter, hoy i menshe mange ap i rig čivan.

Ezekiel 48:14

Oun i Levitarya hounte bikrenn či pengro themestar oun či parenn. Kava fetester kotar them hounte vell gar an i vavarengre vasta. Kava kotar them vas o baro Debleske dino.

3. Mose 21:22

Ko rhapen, hoy o Debleske anlo vas, nay rhal lo, ninna ko rhapen, hoy kokres i rashayenge hi.

2. Familjakro liil 31:14

Oun yek Levitari, o Kore, koleskro dad o Yimna his, yob das yak ap o voudar ap koy rig, kay o kham pre djala, oun vas kanna dren čiddo te dell lo garda ap ko koova, hoy i menshe pendar o baro Debleske dan. Oun yob hounte das kova ap i rashayende oun i Levitaryen vin, hoy lengro kotar hi, ninna kol kotya mass, hoy kokres i rashayenge his.