3. Mose 27:21 - O Debleskro Lab 2024 (Sinte-Manouche)

²¹ An ko tsiro, kay vell i siyaan mouklo, ačell ko kotar phoub o baro Debleske. Oun o rashay lell les.

O Debleskro Drom 2021 (Sinte)

²¹ An ko tsiro, kai well i sijaan muklo, atchell ko kotar phub o baro Debleske. Un o rashai lell les.

3. Mose 27:21 Referans Kwoze

Ezekiel 44:29

Lengro rhapen lenn le kolestar, hoy glan mande anlo vell, ko djobestar oun kol firhendar, hoy maredo venn, te vell i doosh oun o pale-čiddo koova krik lino, oun kol firhendar, hoy venn maredo, te vell lauter pale mishto. Ninna lenn le halauter, hoy i menshe mange ap i rig čivan.

4. Mose 18:14

Lauter, hoy i Israelitarya an mire vasta dan, hi t'menge.

3. Mose 25:31

Hi vavarčandes, te hi ko kheer an i gab tardo, kay kek massouri trouyel hi. Palle hi ko kheer har i kotar phoub. Ko kheer nay vell vin ginlo, oun palpale dino an o bersh, kay i siyaan mouklo vell.

3. Mose 25:28

Te anell leskro vast kova gar khetne, hoy yob hounte pale playsrell, palle ačell ko kotar phoub an o vast kolestar, kay les ginas. An ko bersh, kay i tseli siyaan mouklo vell, lell les kova pale, koleske ko kotar phoub his.

3. Mose 25:10

O 50. (paash-sheelto) bersh hi o baro Debleske. An kava bersh denn vin gole, te vell hakeneske, kay an ko them djivell, peskri siyaan mouklo. Oun te his leskri siyaan yaake baro, te bikras pes lo ap i vavareske, hounte moukell kova les pale te djal. Hakeno t'mendar lell kova pale, hoy leskro his, oun nay djal khere pash peskre menshende.

Esra 10:8

Oun koon gar vell an triin divessa, yaake har i pralstoune oun i phoureder penan, koleskro bravlepen oun halauter hoy les hi, hounte vell lestar krik lino. Oun yob te vell infam kerdo oun nay djivell bouder gar mank peskre menshende, kay van vin dran o pandepen an o them Babilonia.”

Josua 6:17

Oun o foro oun halauter hoy dren hi, hi o baro Debleske. Kek mensho oun kek firho nay ačell djido. Kokres koy loubni Rahab ačell djido, yoy oun halauter, hoy pash late an o kheer hi. Yoy khatras kol morshen pash peste, kolen mer bičram.

5. Mose 13:17

Oun lengro tselo bravlepen anenn khetne mashkral ap o foreskri platsa! Oun rhačrenn ko tselo foro pre oun lauter, hoy an leste hi, t'maro baro Debleske! Či har barra hounte ačell pral ko forestar hako tsireske. Oun an kek tsiro vell lo bouder neves kerdo.

3. Mose 27:20

Te ginas lo koy phoub gar tele o baro Deblestar, oun bikrell lat ap i vavareske, palle nay vell ko kotar phoub gar bouder vin ginlo.

3. Mose 27:22

Te das yek pes sovel, te dell lo o baro Debleste i kotar phoub, hoy ginas lo, oun hoy las lo gar peskro dadestar pral leskro merepen,