3. Mose 27:17 - O Debleskro Lab 2024 (Sinte-Manouche)

¹⁷ Te kamell lo ko kotar phoub o Debleske te dell an ko ersto bersh pal ko bersh, kay i tseli siyaan mouklo vas, ačell kova pash kol 50 roupene beme.

O Debleskro Drom 2021 (Sinte)

¹⁷ Te kamell lo ko kotar phub o Debleske te dell an ko ersto bersh pal ko bersh, kai i tseli sijaan muklo was, atchell kowa pash kol 50 rupene beme.

3. Mose 27:17 Referans Kwoze

3. Mose 27:14

Te das yek pes sovel, te dell lo peskro kheer o baro Debleste, palle dikell o rashay les peske an, oun dikell, hoy lačo oun hoy čilačo ap leste hi, oun penell, har boud kova moldo hi. Yaake har ko rashay penell, yaake vell.

3. Mose 27:16

Te das yek pes sovel, te dell lo i kotar phoub o baro Debleste, palle vell diklo, har boud djob ap ko kotar phoub vin vitsedo vell. Hi kova yek gono djob, palle hi ko kotar phoub 50 (paash-sheel) roupene beme moldo.

3. Mose 27:18

Te kamell lo les i tsiro pal kova te dell, palle dikell o rashay pal, har boud bersha trouyel hi, bis te vell ko bersh, kay i siyaan mouklo vell. Oun kal bersha venn tele tserdedo.

3. Mose 25:9

moukenn an o 50. (paash-sheelto) bersh, an o eftato čon, ap o deshto dives an i phourdepaskri te phourdell an o tselo them. Kova hi o dives, kay halauter krik lino vell, hoy mank t'mende oun o baro Debleste tardo hi.

3. Mose 25:10

O 50. (paash-sheelto) bersh hi o baro Debleske. An kava bersh denn vin gole, te vell hakeneske, kay an ko them djivell, peskri siyaan mouklo. Oun te his leskri siyaan yaake baro, te bikras pes lo ap i vavareske, hounte moukell kova les pale te djal. Hakeno t'mendar lell kova pale, hoy leskro his, oun nay djal khere pash peskre menshende.

3. Mose 25:11

An kava 50. (paash-sheelto) bersh hounte vell i tseli siyaan mouklo. Vitsrenn kek djob an i phoub, oun činenn kek djob tele, hoy pestar dran i phoub vas. Činenn vitar kek drake tele, hoy van bares an kava bersh, kay t'mer kol rouka gar činan.

3. Mose 25:13

An ko bersh, kay i tseli siyaan mouklo vell, lell hakeno peskri phoub pale, hoy leskro his.