3. Mose 25:39 - O Debleskro Lab 2024 (Sinte-Manouche)

³⁹ Te vell tiro phraal yaake čorvelo, te bikrell lo pes ap toute, palle moukess les gar kova te krell, hoy i ginlo boudepaskro hounte krell.

O Debleskro Drom 2021 (Sinte)

³⁹ Te well tiro phraal jaake tchorwelo, te bikrell lo pes ap tute, palle mukess les gar kowa te krell, hoi i ginlo budepaskro hunte krell.

3. Mose 25:39 Referans Kwoze

2. Mose 21:2

Te gineh tou touke i hebretikro boudepaskro, palle boudrell lo touke shob bersha. Oun an o eftato bersh mouk les te djal! Yob hounte playsrell touke či.

1. Rajengro liil 9:22

I menshendar Israel las lo kekes, kay hounte vas leskro boudepaskro. Yon van leskre lourde, oun pralstoune an leskro kheer, oun pralstoune pral i lourdende, oun kourepangre ap leskre vourdya, oun pralstoune pral leskre vourdya oun leskre graya.

Nehemia 5:5

Yon lauter penan: “Mer ham har mare phrala, lengro mass oun rat. Mare čave hi har lengre čave! Oun mer hounte das mare čaven oun čen lende, te venn le lengre boudepangre. Oun mank mare čende hi save, kay van zoryah an-tapedo. Oun mer nay krah či. Oun mari harhetikri phoub oun maro drakengro them hi vavaren.”

2. Rajengro liil 4:1

Kote his i djouvel, kolakro rom his i Debleskro rakepaskro. Koya das pal o Elisa gole oun penas: “Tiro boudepaskro, miro rom, meras. Oun tou djineh, kay lo ap o baro Debleskro drom djas. Oun kanna vell ko morsh, kay miro romes siyaan hi pash leste, oun kamell mire douy čaven te lell, te venn le leskre ginle boudepangre.”

3. Mose 25:46

Kolen nay denn ap t'mare čavende doureder, te venn le lengro pal t'maro merepen. Yon ačenn lengre ginle boudepangre yaake rah har djivenn le. Tire phrala, kol vavar Israelitarya, pral kolende hounte vess gar zoryah ray.

Jeremia 34:14

te moukell hakeno peskro ginlo boudepaskres te djal, kova, kay i vavar Israelitari hi, oun kay bikras pes leske, oun boudras leske shob bersha. An o eftato bersh hounte moukas lo les te djal. T'mare phoure shounan gar ap mande, oun rikran pen gar ap mire laba.

Jeremia 30:8

O baro Devel, ko ray pral o bolepen oun i phoub penell: An ko tsiro phagau ko kasht, hoy hi troul lengre menya, oun lau i shelle tele, hoy rikrenn len pandles. Yon hounte boudrenn bouder gar vavar menshenge,

Jeremia 27:7

I menshe dran i tsele themma hounte boudrenn leske oun leskro čaveske, oun koleskro čaveske, bis te vell ko tsiro, kay nashrell ninna leskro them peskri zoor. Oun menshe dran vavar bare themma oun lengre zorele bare raya venn i raya pral lende.

Jeremia 25:14

Ava, ninna i Babilonarya venn boudepangre oun hounte boudrenn i menshenge an boud themma oun lengre zorele bare rayenge. Yaake dau len pale, hoy yon ap mire menshende kran. Yaake lenn le pengri phagi.

2. Mose 22:3

Te čoras lo i firho, – i groumni, i bourika, i bakro, – oun kova vell djides pash leste hatslo, palle hounte dell lo douy kope yaake boud pale.

2. Mose 1:14

Len his kek dji lenge oun kran lengro djipen phares. Oun i Israelitarya hounte rhačan barra dran čik. Ninna hounte boudran le phares ap i harhetikri phoub.

Mateo 18:25

Kova nashte playsras kova gar pale. Koy penas o ray: Bikrenn les peskri romyah, oun peskre čaventsa, oun lauterentsa, hoy les hi! Oun denn man kol love, hoy t'mer lenge dren lenna!

2. Familjakro liil 28:10

Oun kanna kamenn t'mer ninna kol pandlen dran o them Youda oun o foro Yerusalem tel t'mare pire te čivell, te venn le t'mare boudepangre. Patsenn t'mer, kay anenn kava koveha kek doosh ap t'mende glan t'maro baro Debleste?

Jeremia 34:8

Kava hi ko lab, hoy o baro Devel ap o Yeremia penas, pal ko tsiro, kay o baro ray Sedekya i menshentsa an o foro Yerusalem vin kras, te moukenn le i tsele ginle boudepangre vin,

Jeremia 34:9

kolla, kay Hebrearya hi, morsha oun djouvya, yaake te hounte boudrell kek yekeske peskre menshendar.