3. Mose 25:25 - O Debleskro Lab 2024 (Sinte-Manouche)

²⁵ Te vas tiro phraal – i vavar Israelitari – čorvelo oun hounte bikrell i kotar leskri phoubyatar, palle hounte ginell les yek dran leskri familya pale.

O Debleskro Drom 2021 (Sinte)

²⁵ Te was tiro phraal – i wawar Israelitari – tchorwelo un hunte bikrell i kotar leskri phubjatar, palle hunte ginell les jek dran leskri familja pale.

3. Mose 25:25 Referans Kwoze

Ruth 2:20

Kote penas i Naomi ap i Ruth: “O baro Devel mou čivell peskri barht ap leste! O baro Devel tserdas peskro lačepen gar pale, – gar i djidendar, vitar gar i moulendar.” Oun pale penas i Naomi ap late: “Tou hounte djiness, ko morsh hi yek mare menshendar. Yob hi yek kolendar, kay pal maro čačepen menge ap i rig hounte venn.”

Ruth 3:12

Oun touke hi čačo, te hom me yek tire menshendar, kay touke koy hounte vell. Ninna te hi yaake, djiness, te dell i vavar morsh mire menshendar, – kova vell glan mande.

Ruth 3:9

Oun yob poučas: “Koon hal tou?” Oun yoy penas: “Me hom i Ruth, tiri boudepaskretsa. Le tiri baya oun čake man! Tou hal miro romeskre menshendar, kay man pal t'maro čačepen hounte romedinerell.”

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.

2. Korintarja 8:9

T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

Ruth 3:2

Tou djineh, ko Boas, pash koleskre boudepangre tou hals, hi mare menshendar. Yob hi kay rat ap i platsa, kay le o djob vin denna.

3. Mose 25:24

Te bikrenn i kotar them, palle krenn kova yaake, te nay vell ko them palpale ginlo.

3. Mose 25:26

Te hi les kek, kay ko kotar phoub nay pale ginell, oun leskro vast anell doha love khetne, te nay ginell yob kokres les pale,

Ruth 4:3

Oun yob penas ap koleste, kay lake ninna koy hounte vals: “Ko kotar phoub, hoy hi maro phraleske, o Elimelek, kova kamell i Naomi, kay dran o them Moab pale vas, te bikrell.

3. Mose 25:47

Te vell yaake, kay vell i vi-themari, kay pash t'mende djivell, bravelo, ninna yek, kay i tsiro pash t'mende djivell. Oun tiro phraal, i vavar Israelitari, vell čorvelo, oun bikrell pes ap ko braveleste oder leskre čavende,

3. Mose 27:22

Te das yek pes sovel, te dell lo o baro Debleste i kotar phoub, hoy ginas lo, oun hoy las lo gar peskro dadestar pral leskro merepen,