3. Mose 25:23 - O Debleskro Lab 2024 (Sinte-Manouche)

²³ Ma bikrenn ko them yaake, te vell kova hako tsireske i vavareske! Ko them hi mange. Oun t'mer han har vi-themarya, kay moukau pash mande te djivell.

O Debleskro Drom 2021 (Sinte)

²³ Ma bikrenn ko them jaake, te well kowa hako tsireske i wawareske! Ko them hi mange. Un tumer han har wi-themarja, kai mukau pash mande te djiwell.

3. Mose 25:23 Referans Kwoze

1. Petro 2:11

Kamle mala, t'mer djinenn, kay han gar khere ap kay phoub. Me mangau t'men, avenn zorelo! Te vell o djoungelo koova an t'mare djia pre, palle penenn: “Na-a!” ap kova oun krenn les gar!

Debleskri gili 39:12

Tou te deh o menshes i phagi, te anas lo doosh ap peste, palle djal lo yaake paash har i ripen, hoy rhalo vell i kirmestar. Ava, o mensheskro djipen hi či bouder har i dourho.

Ezekiel 48:14

Oun i Levitarya hounte bikrenn či pengro themestar oun či parenn. Kava fetester kotar them hounte vell gar an i vavarengre vasta. Kava kotar them vas o baro Debleske dino.

Debleskri gili 24:1

I gili o Davidestar. O baro Debleske hi i phoub oun lauter, hoy koy pre hi, ava, i tseli phoub oun kolla, kay kote djivenna.

1. Familjakro liil 29:15

Har mare phoure ham mer ninna vi-themarya glan toute, ham i tikno tsiro ap kay phoub oun djah doureder. Maro djipen ap kay phoub hi har i shatto oun ačell gar.

5. Mose 32:43

T'mer menshe dran i vavar themma, sharenn o baro Debleskre menshen! Kolla, kay maran leskre boudepangre, kolenge dell yob halauter pale ap lengre sherya. Oun yob dell kolen halauter pale, kay kouran pen leha. Oun lell krik o praasepen, hoy ap o them peskre menshendar hi.

2. Mose 19:5

Kanna shounenn: Te rikrenn t'mer lauter, hoy me t'menge penau, oun shounenn ap mire tsele laba, palle han t'mer mange koučeder har i tsele vavar menshe ap kay phoub. Ninna te hi i tseli phoub miro, han t'mer kokres mire menshe,

Joel 3:2

An ko tsiro čorau miro dourho ninna vin pral i boudepangre, morsha har djouvya.

Joel 2:18

Palle vell o baro Debleskro kamlepen bares an leste peskro themeske, oun yob krell peskro dji pre peskre menshenge.

Hosea 9:3

T'mer ačenn gar an o them, hoy o baro Devel t'men das. I menshe dran o them Efrayim hounte djan pale an o them Egiptia, ninna an o them Assour. Kote hounte rhan le savo koova, hoy pale-čiddo hi.

Debleskri gili 85:1

I gili yekestar dran i familya Korah. Kay gili hi o rayeske pral i gipangre.

2. Familjakro liil 7:20

palle tradau me i Israelitaryen vin dran lengro them, hoy me len dom. Oun kava kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral leste.

3. Mose 25:10

O 50. (paash-sheelto) bersh hi o baro Debleske. An kava bersh denn vin gole, te vell hakeneske, kay an ko them djivell, peskri siyaan mouklo. Oun te his leskri siyaan yaake baro, te bikras pes lo ap i vavareske, hounte moukell kova les pale te djal. Hakeno t'mendar lell kova pale, hoy leskro his, oun nay djal khere pash peskre menshende.

Jesaja 8:8

Oun yon venna an o them Youda dren, har pani hoy dren phagell, oun hoy bis pash i meen pre djal. O Devel hi pash mende! Leskre moussya hi pral mende yaake dour har o them bourhlo hi.

Debleskri gili 119:19

Me hom gar khere ap kay phoub. Mouk man te hayvap tire laba!

1. Rajengro liil 21:3

Kote penas o Nabot ap o Ahab: “O baro Devel mou rikrell man pale, te dap tout kova, hoy mire phourendar lom pal lengro merepen!”

1. Mose 47:9

Penas o Yakob: “Hom 130 (sheel-te-triyanda) bersh phouro. Kova hi kek phourepen. Man hi kek shoukar djipen. Mire phoure van phoureder har me.”

1. Mose 23:4

Oun yob penas ap lende: “Me hom mank t'mende i vi-themari. Man hi kek kotar them pash t'mende. Kanna mangau t'men: Denn man i kotar them pash t'mende, te paskrap miri mouli romyat.”

2. Mose 2:22

Har yoy i morsh čavo ap i phoub anas, penas o Mose: “Me nashom an i them, hoy hi gar miro them. Doleske dau les ko lab Gershon.”

3. Mose 25:24

Te bikrenn i kotar them, palle krenn kova yaake, te nay vell ko them palpale ginlo.

Debleskri gili 39:13

Baro Devel, shoun miro mangepen! Oun shoun, har dau ap toute gole! Dik mire sva oun rake mantsa! Me hom gar khere ap kay phoub, djivau har i vi-themari pash toute, yaake har ninna mire phoure djivan.