3. Mose 23:34 - O Debleskro Lab 2024 (Sinte-Manouche)

³⁴ Pen ap i Israelitarya: An o eftato čon hi kol bare divessa, kay djivenn t'mer an patyengre khera efta divessa, te vell o baro Devel sharedo. Ko ersto dives hi o 15. (deesh-te-pančto) dives an kava čon.

O Debleskro Drom 2021 (Sinte)

³⁴ Pen ap i Israelitarja: An o eftato tchon hi kol bare diwessa, kai djiwenn tumer an patjengre khera efta diwessa, te well o baro Dewel sharedo. Ko ersto diwes hi o 15. (deesh-te-pantchto) diwes an kau tchon.

3. Mose 23:34 Referans Kwoze

Johanni 7:2

I tikno tsiro glan kol biboldengre bare divessa, hoy kharenna Soukot, penan leskre phrala ap leste: “Ma ač an o them Galilea! Dja an o them Youdea, te dikenn ninna tire mala, havo baro koova tou kreh!

Nehemia 8:14

Oun an ko liil hatsan le kol laba, kay penas o baro Devel ap o Moseste, te hounte rikrenn i Israelitarya kol bare divessa, kay kharenn Patyengre Khera an o eftato čon. Oun an kol divessa hounte djivenn le an tikne khera, hoy yon penge dran patria krenn.

Esra 3:4

Oun yon rikran kol bare divessa, kay djivenn i Israelitarya an patyengre khera, yaake har tele činlo vas, oun rhačran yaake boud firhen o Debleske kol tsele efta divessa, har hako diveske glan činlo his.

4. Mose 29:12

Ap o deesh-te-pančto dives an o eftato čon hounte venn khetne glan o baro Debleste. Kek boudi krenn ap ko dives! Krenn i festo o Debleske efta divessa,

2. Mose 34:22

Rikrenn bare divessa mange dren ap ko tsiro, kay t'mer o nevo djob dren anenn! Oun palle rikrenn bare divessa dren pal i niyal, te anan i drake dren oun lauter, hoy ap i rouka oun ap t'mari phoub bares vas.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

2. Mose 23:16

Rikrenn ninna bare divessa mange an ko tsiro, kay anenn o nevo djob dren. Oun bare divessa rikrenn mange ninna an ko tsiro pal i niyal, te anan i drake dren, oun lauter, hoy bares vas ap i rouka oun ap tiri phoub.

Hebrearja 11:9

Ap ko tsiro djivan vavar menshe an ko them, hoy kamas les o Devel te dell. Oun o Abraham djas kate oun kote an ko them trouyel, oun djivas an plarhtene khera. Ninna leskro čavo, o Isaak, oun koleskro čavo, o Yakob, djivan yaake. Kolenge penas o Devel ninna: T'mende dau ko them.

Hebrearja 11:13

Kol phoure patsle meran lauter. Ninna te lan le kova gar, hoy kamas o Devel len te dell, patsan le, te lenn le les. Yon dikan kova dour glan pende, oun his barhtelo pral kova. Yon penan pendar, te hi len kek them ap i phoub, oun te hi le kate gar khere.

3. Mose 23:33

O baro Devel penas ap o Mose:

3. Mose 23:42

Djivenn an ko tsiro an patyengre khera, hakeno, kay an o them Israel djivell.

3. Mose 23:43

Krenn kova yaake, te djinenn t'mare čave, te moukom me, o baro Devel, i Israelitaryen an patyengre khera te djivell, har anom len vin dran o them Egiptia. Me, o baro Devel, hom t'maro Devel.

5. Mose 16:16

Triin kope an o bersh hounte venn t'mare tsele morsha glan t'maro baro Debleste ap koy platsa, hoy yob peske vin rodell: ap kol bare divessa, kay rhan kek maro dran shoutlo yarro, oun ap ko baro dives, kay anenn o baro Debleske o nevo djobestar, hoy t'mer dren anan, oun ap kol divessa, kay djivenn an patyengre khera. Oun kek vell, koles či pash peste hi, hoy yob o baro Debleske anella.

5. Mose 31:10

O Mose penas ap lende: “Hake efta bersha, an ko bersh, kay vell i siyaan mouklo, hounte denn i laba an kava liil vin gole glan i tsele Israelitarya. Kova krenn ap ko tsiro, kay venn le khetne glan t'maro baro Debleste ap koy platsa, hoy yob peske vin rodell, an kol bare divessa, kay djivenn le an patyengre khera.

1. Rajengro liil 8:2

Oun i tsele morsha dran Israel van khetne pash o baro rayeste, o Salomo, an kol bare divessa an o eftato čon. Kova hi o čon, hoy kharell Etanim.

1. Rajengro liil 8:65

Oun ap ko tsiro his kol bare divessa, kay djivenn i Israelitarya an patyengre khera. Oun o Salomo khetne kol tsele Israelentsa rikran kol bare divessa. His boud menshe kote khetne dran o tselo them, foun Lebo-Hamat bis pash koy tala mank Israel oun Egiptia. Efta divessa his le khetne glan maro baro Debleste, oun koy pal pale efta divessa. Kolla his khetne deesh-te-star divessa.

1. Rajengro liil 12:32

Oun yob čivas i baro dives dren an o orhtato čon, ap o deesh-te-pančto dives, te vals ko dives har kol bare divessa an o them Youda. Oun ap i rhačepaskri rhačras lo firhen. Kova kras lo an Betel, kote rhačras lo firhen kol terne groumyenge dran sonakay, hoy lo kras. Oun kote an Betel čivas lo rashayen an pengri boudi dren, te his le rashaya ap kol moulne platse, hoy lo kras, kay mangenn le i moule deblen an.

Ezekiel 45:25

An o eftato čon ap o 15. (deesh-te-pančto) dives an ko čon vell ko festo, kay djivenn i Israelitarya an patyengre khera efta divessa. An kal efta divessa krell o ray yaake har an kal efta divessa glan kova, oun anell ko emligo koova o baro Debleske: firhe, hoy venn maredo oun tseles rhačedo, oun save, hoy venn maredo, te vell i doosh krik lino, ninna djob oun djet. Oun halauter vell yaake kerdo har glan kova.