3. Mose 23:33 - O Debleskro Lab 2024 (Sinte-Manouche)

³³ O baro Devel penas ap o Mose:

O Debleskro Drom 2021 (Sinte)

³³ O baro Dewel penas ap o Mose:

3. Mose 23:33 Referans Kwoze

3. Mose 23:32

Kava dives hi i baro dives t'menge, kay hounte krenn kek boudi, oun rhan či foun rati ap o enyato dives bis te vell pale rati ap o vavar dives.

3. Mose 23:34

Pen ap i Israelitarya: An o eftato čon hi kol bare divessa, kay djivenn t'mer an patyengre khera efta divessa, te vell o baro Devel sharedo. Ko ersto dives hi o 15. (deesh-te-pančto) dives an kava čon.

4. Mose 29:12

Ap o deesh-te-pančto dives an o eftato čon hounte venn khetne glan o baro Debleste. Kek boudi krenn ap ko dives! Krenn i festo o Debleske efta divessa,

1. Rajengro liil 12:32

Oun yob čivas i baro dives dren an o orhtato čon, ap o deesh-te-pančto dives, te vals ko dives har kol bare divessa an o them Youda. Oun ap i rhačepaskri rhačras lo firhen. Kova kras lo an Betel, kote rhačras lo firhen kol terne groumyenge dran sonakay, hoy lo kras. Oun kote an Betel čivas lo rashayen an pengri boudi dren, te his le rashaya ap kol moulne platse, hoy lo kras, kay mangenn le i moule deblen an.

Ezekiel 45:25

An o eftato čon ap o 15. (deesh-te-pančto) dives an ko čon vell ko festo, kay djivenn i Israelitarya an patyengre khera efta divessa. An kal efta divessa krell o ray yaake har an kal efta divessa glan kova, oun anell ko emligo koova o baro Debleske: firhe, hoy venn maredo oun tseles rhačedo, oun save, hoy venn maredo, te vell i doosh krik lino, ninna djob oun djet. Oun halauter vell yaake kerdo har glan kova.

Esra 3:4

Oun yon rikran kol bare divessa, kay djivenn i Israelitarya an patyengre khera, yaake har tele činlo vas, oun rhačran yaake boud firhen o Debleske kol tsele efta divessa, har hako diveske glan činlo his.

Zakarie 14:16

Oun kolla, kay djides ačan kol menshendar dran i themma, kay his an o kourepen o foreha Yerusalem, kolla venna hako bersh an Yerusalem, te sharenn le o baro rayes an Yerusalem. Yob hi o baro Devel, ko ray pral o bolepen oun i phoub. Kote an Yerusalem kamenn le ninna kol bare divessa te rikrell, kay i menshe an patyengre khera djivenn.