3. Mose 23:32 - O Debleskro Lab 2024 (Sinte-Manouche)

³² Kava dives hi i baro dives t'menge, kay hounte krenn kek boudi, oun rhan či foun rati ap o enyato dives bis te vell pale rati ap o vavar dives.

O Debleskro Drom 2021 (Sinte)

³² Kau diwes hi i baro diwes tumenge, kai hunte krenn kek budi, un chan tchi fun rati ap o enjato diwes bis te well pale rati ap o wawar diwes.

3. Mose 23:32 Referans Kwoze

Hebrearja 4:11

Doleske čivas mer maro tselo dji koy pre, te vas an leskro them dren, kay ham hako tsiro pash leste khere. Das yak, te perell kek mendar o Debleskro dromestar tele, har kol menshe an o phouro tsiro, kay shounan gar ap o Debleste!

Hebrearja 4:3

Mer, kay patsah, hoy o Devel penas, mer vah an o Debleskro them. I vavarendar penell lo: An miri rholi dom man sovel, oun penom: Yon venn gar dren an miro them, kay vans le hako tsiro pash mande khere. Kava them hi koy yaake rah, har o Devel o bolepen oun i phoub kras. Lauter his kerdo, har yob o bolepen oun i phoub an shob divessa kras.

1. Korintarja 11:31

Te dah yak ap mende, har mer an o patsepen tardo ham, lah kek phagi.

Mateo 5:4

Barhtele hi kolla, kay kanna rovenna. O Devel lell lengri douk dran lengro dji.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Debleskri gili 51:17

Baro Devel, kre miro mouy pre, te rakrap, hoy sharell tout!

Debleskri gili 35:13

Har yek lendar nasselo his, rivom ropaskre ripya ap mande, rhom či oun bokom leske, oun pale te pale mangom o Debles leske,

3. Mose 23:27

O deshto dives an kava eftato čon hi o dives, kay vell halauter krik lino, hoy mank t'mende oun o baro Debleste tardo hi. Ap ko dives rhan či oun avenn khetne glan leste oun anenn leske firhen oun rhapen, hoy venn leske rhačedo.

3. Mose 16:31

Kava Debleskro dives hi i dives, kay han kokres o baro Debleske koy. Oun t'mer nay krenn kek boudi, oun rhan či. Yaake vell kava kerdo an hako tsiro, hoy vella.

3. Mose 23:31

Doleske, krenn kek boudi! Kava lab hi t'menge oun t'mare čavenge, kay pal t'mende venna, kanna oun hako tsireske, kay t'mer ninna djivenna.

3. Mose 23:33

O baro Devel penas ap o Mose:

Nehemia 13:19

Oun me penom, te venn o foreskre voudya pandlo glan te vas o Debleskro dives, an ko tsiro har o kham tele djas, oun te venn le gar pale pre kerdo glan ko tsiro, kay hi o Debleskro dives trouyel. Oun me bičrom morshen an o foreskre voudya, te denn le yak, te vell kek koova an o foro Yerusalem dren hadedo.

3. Mose 16:29

Kava lauter hounte vell kerdo ap o deshto dives an o eftato čon. Oun yaake hounte krenn t'mer hako tsireske. Ma rhan ap ko dives! Ma krenn i boudi, t'mer gar oun vitar gar i vi-themarya, kay mank t'mende djivenn.