3. Mose 23:22 - O Debleskro Lab 2024 (Sinte-Manouche)

²² An ko tsiro, kay činenn o djob tele, hoy ap t'maro kotar phoub bares vas, moukenn čomone ap i rigya tardo. Ma djan vitar gar i douyto kopo pral ko kotar phoub, te hadenn kova pre, hoy tele peras. Moukenn kova i čorvelenge oun kolenge dran i vi-them! Me, o baro Devel, hom t'maro Devel.

O Debleskro Drom 2021 (Sinte)

²² An ko tsiro, kai tchinenn o djob tele, hoi ap tumaro kotar phub bares was, mukenn tchomone ap i rigja tardo. Ma djan witar gar i duito kopo pral ko kotar phub, te hadenn kowa pre, hoi tele peras. Mukenn kowa i tchorwelenge un kolenge dran i wi-them! Me, o baro Dewel, hom tumaro Dewel.

3. Mose 23:22 Referans Kwoze

Jesaja 58:10

Tou dess tiro maro koles, kay bokell, oun dess koles, kay les gar doha djipaske hi, lauter, hoy les hounte vell. Palle djal touke o kham pre an o kalepen, kay tou djiveh. Oun tiri rati vell har o mashkral-dives.

Louka 11:41

Denn i čorvelende kova, hoy t'men an t'mare khore oun čare dren hi! Oun či hi t'menge pale-čiddo.

Debleskri gili 112:9

Yob dell boud i čorvelen. Leskro čačepen ačell hako tsireske. Leskri zoor oun leskro raylepen vell baro.

3. Mose 23:23

O baro Devel penas ap o Mose:

Ruth 2:2

His i dives, koy penas i Ruth ap i Naomi: “Me kamau ap i harhetikri phoub te djal oun djob pre te hadell, hoy čiddo ačas. Djau pash yekeste, kay lačo hi ap mande oun moukell man kova te krell.” Oun i Naomi penas: “Dja miri čay!”