3. Mose 23:20 - O Debleskro Lab 2024 (Sinte-Manouche)

²⁰ O rashay hadell kolen pre glan o baro Debleste, ninna kol mare dran o nevo yarro, te sikrell lo, kay yon o baro Debleske hi. Oun i rashaya nay rhan kova.

O Debleskro Drom 2021 (Sinte)

²⁰ O rashai hadell kolen pre glan o baro Debleste, ninna kol mare dran o newo jarro, te sikrell lo, kai jon o baro Debleske hi. Un i rashaja nai chan kowa.

3. Mose 23:20 Referans Kwoze

5. Mose 18:4

Ninna vell i rashayen hako bersh o nevo djobestar, i nevi molyatar oun o nevo djetestar, hoy t'mer dren anan. Ninna o bakrengro bal, hoy o ersto kopo tele činlo vell, hi lenge.

Efesarja 2:14

Yob anas i bibolden khetne kol menshentsa, kay kek bibolde hi, te venn le mala, oun las o čingepen lendar krik, hoy mashkral lende his.

1. Korintarja 9:11

Te anam mer t'menge o Debleskro lab, nay denn t'mer men ninna te rhal.

Louka 2:14

“Baro hi o Debleskro raylepen an o bolepen! O Debleskri barht vell ap i phoub. Yob dikell lačes ap i menshende.”

3. Mose 23:17

Haki familya anell douy mare, hakeno kerdo dran douy-te-paash kilogramme lačo yarro. Kol douy mare hadell o rashay pre glan o baro Debleste, te sikrell lo, kay kolla leske hi. Kal mare hi peklo yarreha, kay shoutlo yarro dren hi. Kal mare, hoy o baro Debleske anlo venn, hounte venn kerdo dran nevo gib.

3. Mose 8:29

O Mose las o beč ko douyto bakrestar, oun hadas les pre glan o baro Debleste, te sikrell lo, kay kova leske hi. Kava beč his ko kotar, hoy nay las o Mose peske, te rhal lo les. Yaake penas kova o baro Devel.

2. Mose 29:24

Čip kova lauter an o Aroneskre vasta oun an i vasta leskre čavendar. Oun yon hadenn kova pre glan mande, o baro Debleste, te sikrenn le, kay kova mange hi.

3. Mose 23:19

Koy pashel anenn leske i morsh bouzni, te vell t'mari doosh oun t'maro pale-čiddo koova krik lino. Marenn ninna douy bakre, hoy yek bersh phouro hi, te rhan len khetne glan o baro Debleste.

3. Mose 23:21

Denn vin gole, te venn khetne ap kava dives o baro Debleske. Kek boudi hounte krenn t'mer ap ko dives. Kava lab hi t'menge oun t'mare čavenge, kay pal t'mende venna, kanna oun hako tsireske, kay t'mer ninna djivenna.