3. Mose 23:2 - O Debleskro Lab 2024 (Sinte-Manouche)

² Pen ap i Israelitarya: Kalla hi i bare divessa, kay venn t'mer khetne, te vell o baro Devel sharedo.

O Debleskro Drom 2021 (Sinte)

² Pen ap i Israelitarja: Kalla hi i bare diwessa, kai wenn tumer khetne, te well o baro Dewel sharedo.

3. Mose 23:2 Referans Kwoze

3. Mose 23:37

Kalla hi kol bare divessa, kay hounte venn t'mer khetne glan o baro Debleste, te anenn leske firhen oun rhapen, yaake har hako diveske glan činlo hi: save firhe, kay tseles rhačedo venn, oun save, kolen rhan t'mer khetne glan o baro Debleste, ninna rhapen dran djob, oun mool, hoy glan leste vin čoredo vell.

3. Mose 23:4

Kalla hi i bare divessa, kay venn t'mer khetne, te vell o baro Devel sharedo. Denn kal divessa vin gole ap pengro tsiro.

Joel 2:15

Phourdenn i phourdepaskri ap i berga Sion! Denn i menshen khetne gole! Penenn lenge, te rhan le či, oun sikrenn yaake, te khaytell lenge lengri doosh.

Hosea 2:11

Doleske kamau miro djob oun mire drake pale te lell an ko tsiro, kay le baro van, oun dren anlo vans. Ninna lau latar mire bakrengre balla, oun miro layntikre thaba lakre ripyenge.

Debleskri gili 81:3

Givenn leske Debleskre gilya! Denn ap i pauka! Bashrenn ap i doryengre bashepangre!

4. Mose 29:39

Kova halauter hounte anenn t'mer o baro Debleske ap kol bare divessa, kay venn khetne glan leste. Koy pashel vell kova, hoy denn leste hakeno pestar, ninna kova, hoy dan t'men sovel, te denn les kova: firhe, hoy venn leske tseles rhačedo, djob oun mool, ninna firhe, hoy rhan t'mer khetne glan leste.

4. Mose 10:10

Phourdenn ninna an i phourdepangre ap kol bare divessa, kay han t'mer barhtelo, oun ap ko dives, kay vell i nevo čon, oun kay t'mer o baro Debleske firhen anenn, save, hoy t'mer leske tseles rhačrenna oun save, hoy rhan t'mer glan leste khetne. Palle venn t'mer mange, t'maro Debleske, an o shero. Me hom t'maro baro Devel.

Johanni 5:1

Pal kova his i baro Debleskro dives i biboldenge. Oun o Yezous djas an o foro Yerusalem.

Joel 1:14

Denn i menshen khetne gole! Penenn, te rhan le či, te sikrenn le, kay lengri doosh len khaytell. Moukenn i phoureden oun i tsele menshen an kava them pash o baro Debleskro kheer te vell! Yob hi t'maro Devel. Denn ap leste gole!

Ropaskre gilja 1:4

I dromma pash i berga Sion hi mouklo. Kek vell an o foro an kol bare divessa. I tsele foreskre voudya hi pre, i rashayenge hi ropaske, i terne ča rovenna. Har pharo hi kova lauter o foreske!

Jesaja 33:20

Dik ap ko foro Sion, kay mer khetne vah ap i bare divessa. Dik, har i Yerusalem i foro hi, kay djivenn i menshe kek daryah. Ko foro hi har i plarhteno kheer, hoy bouder gar tele phagedo vell. Kol saster, hoy les rikrenn, venn gar bouder vin tserdedo, oun lengre shelle djan gar bouder paash.

2. Familjakro liil 30:5

Oun yaake kran le vin, te vell vin gole dino an o tselo them Israel, foun Beersheba bis Dan, te venn le an o foro Yerusalem, oun rikrenn o Passa o baro Debleske, kay o Israeleskro Devel hi. An kol vavar bersha nay rikran boud lendar les gar yaake har glan-činlo vas.

2. Rajengro liil 10:20

Oun o Yehou penas: “Denn vin gole, te vell i baro dives, kay venn firhe maredo o debleske Baal, te vell yob sharedo!” Oun kava lab vas vin gole dino.

3. Mose 23:44

Kal tsele laba penas o Mose i Israelenge, te djinenn le har te rikrenn le kol bare divessa dren, te vell o baro Devel sharedo.

3. Mose 23:21

Denn vin gole, te venn khetne ap kava dives o baro Debleske. Kek boudi hounte krenn t'mer ap ko dives. Kava lab hi t'menge oun t'mare čavenge, kay pal t'mende venna, kanna oun hako tsireske, kay t'mer ninna djivenna.

2. Mose 32:5

Har dikas kova o Aron, kras yob i rhačepaskri glan ko gouroum, te rhačrenn le firhen leske koy pre, oun moukas vi-gole te dell: “Taysar hi i baro dives, kay sharah o baro Debles!”

Kolossarja 2:1

Me kamau, te djinenn t'mer, har me marau man tele t'menge oun kol patslenge an o foro Laodicea, ninna kolenge, kay prindjrenn man gar.

Kolossarja 2:16

Ma shounenn ap kolende, kay penenn t'menge: “Hi gar mishto, te rhan oun piyenn t'mer kava te kova!” Ma shounenn ap lende, te penenn le t'menge, te denn yak ap bare divessa an o čon oun an o bersh, ninna ap o dives, kay i bibolde gar boudrenna.

3. Mose 23:1

O baro Devel penas ap o Mose:

1. Familjakro liil 23:31

Ninna hounte venn le glan o baro Debleste tardo, an kol divessa, kay marenn i rashaya o baro Debleske firhen, hoy leske tseles rhačedo venn. Kova his ap o Debleskro dives, oun ap ko dives, kay o nevo čon diklo vell, oun ap i tsele vavar bare divessa. Hako dives hounte venn yaake boud Levitarya glan o baro Debleste, har glan činlo hi.

Ezekiel 44:24

Te vell i čingepen glan lende anlo, hi yon i čačepangre morsha oun hounte penenn o čačepen vin, oun hounte djan pal mire čačepaskre laba. Oun yon hounte krenn, te venn mire bare divessa ap o čačo tsiro yaake dren rikedo, har me penom, te vell kova kerdo. Ninna denn le yak, te vell o Debleskro dives dren rikedo.

2. Familjakro liil 2:3

Dik, kanna kamau me i kheer miro baro Debleske te krell, – i kheer, hoy leske hi, kay nay mangah les an, oun nay rhačrah lačo soungepaskro koova glan leste, oun čivah hako tsiro maro glan leste vin, oun rhačrah firhen leske taysarlake oun rati, ninna ap o Debleskro dives, oun ap ko dives, kay o nevo čon diklo vell, oun ap vavar bare divessa, te sharas maro baro Debles. Yob penas menge, te kras mer kova hako tsiro.

Esra 3:5

Pal ko tsiro anan le hako dives kol firhen, kay van taysarlake oun ratsyake rhačedo o baro Debleske. Oun ninna ap hako nevo čon oun ap i vavar bare divessa anan le firhen o baro Debleske. Oun dan ninna kova, hoy yek pestar kamas te dell o baro Debleste.