3. Mose 23:19 - O Debleskro Lab 2024 (Sinte-Manouche)

¹⁹ Koy pashel anenn leske i morsh bouzni, te vell t'mari doosh oun t'maro pale-čiddo koova krik lino. Marenn ninna douy bakre, hoy yek bersh phouro hi, te rhan len khetne glan o baro Debleste.

O Debleskro Drom 2021 (Sinte)

¹⁹ Koi pashel anenn leske i mursh busni, te well tumari doosh un tumaro pale-tchiddo koowa krik lino. Marenn ninna dui bakre, hoi jek bersh phuro hi, te chan len khetne glan o baro Debleste.

3. Mose 23:19 Referans Kwoze

4. Mose 28:30

Koy pashel anenn i morsh bouzni, te venn t'mari doosh krik lino.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.

4. Mose 15:24

Te kran i tsele Israelitarya čomone, hoy i doosh hi, oun djinan gar, kay yon hounte krans kova gar, palle hounte anenn i tsele menshe i terno gouroum rhačepaske o baro Debleske, te soungell o soungepen, hoy pre djal ko firhestar, mishto o baro Debleske. Koy pashel denn le ninna i rhapen dran yarro oun koy mool, yaake boud har čačo hi, ninna i morsh bouzni, te vell i doosh krik lino.

3. Mose 16:15

Palle marell yob koy morsh bouzni, te vell i doosh oun o pale-čiddo koova i menshendar Israel krik lino. Oun yob djal ko rateha pal i voudar dran than an i kouč isema, oun krell ko rateha yaake, har lo les ko rateha ko gouroumestar kras. Yob vitsrell peskro goushteha čomone ap o pralstouno kotar, hoy ap o morhton čiddo hi, oun ap koy platsa glan o morhton.

3. Mose 23:18

Pash ko maro anenn t'mer efta bakre, yek bersh phouro oun sasto, ninna yek terno gouroum oun douy morsh bakre. Kolla venn maredo oun rhačedo o baro Debleske. Khetne lentsa vell leske o rhapen dran yarro rhačedo, oun i mool glan leste vin čoredo. Oun ko lačo soungepen, hoy vell vin, soungella mishto o baro Debleske.

3. Mose 23:20

O rashay hadell kolen pre glan o baro Debleste, ninna kol mare dran o nevo yarro, te sikrell lo, kay yon o baro Debleske hi. Oun i rashaya nay rhan kova.