3. Mose 23:17 - O Debleskro Lab 2024 (Sinte-Manouche)

¹⁷ Haki familya anell douy mare, hakeno kerdo dran douy-te-paash kilogramme lačo yarro. Kol douy mare hadell o rashay pre glan o baro Debleste, te sikrell lo, kay kolla leske hi. Kal mare hi peklo yarreha, kay shoutlo yarro dren hi. Kal mare, hoy o baro Debleske anlo venn, hounte venn kerdo dran nevo gib.

O Debleskro Drom 2021 (Sinte)

¹⁷ Haki familja anell dui mare, hakeno kerdo dran dui-te-paash kilogramme latcho jarro. Kol dui mare hadell o rashai pre glan o baro Debleste, te sikrell lo, kai kolla leske hi. Kal mare hi peklo jarreha, kai shutlo jarro dren hi. Kal mare, hoi o baro Debleske anlo wenn, hunte wenn kerdo dran newo gib.

3. Mose 23:17 Referans Kwoze

3. Mose 23:10

Pen ap i Israelitarya: Te venn an ko them, hoy me t'men dau, oun t'mer činenn o nevo djob tele oun pandenn les khetne, palle anenn ko ersto pandepen nevo djob glan o rashayeste.

4. Mose 28:26

Oun ko dives, kay anenn t'mer o baro Debleske ko nevo djobestar, hoy dren anlo vas, ko dives vell t'menge i baro dives, kay venn khetne glan o baro Debleste. Kek boudi hounte krenn t'mer ap ko dives.

3. Mose 7:13

Pash kova, hoy anenn le, te parkrenn le pen pash o baro Debleste, anenn le mare, hoy shoutlo yarreha kerdo vas.

2. Mose 34:26

Hako bersh anenn o feteder halauterestar, hoy ap t'mari phoub bares vas, an o Debleskro kheer! Yob hi t'maro baro Devel. Kerenn gar i terni bouzni an o thoud lakro datar!

2. Mose 34:22

Rikrenn bare divessa mange dren ap ko tsiro, kay t'mer o nevo djob dren anenn! Oun palle rikrenn bare divessa dren pal i niyal, te anan i drake dren oun lauter, hoy ap i rouka oun ap t'mari phoub bares vas.

2. Mose 23:19

Tou aness o feteder halauterestar, hoy ap tiri phoub bares vas tiro baro Debleske an leskro kheer. Tou keress gar i terni bouzni an i thoud peskri datar.

Debleskro tsiro 14:4

Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

1. Korintarja 15:20

Ko čačepen hi: O Yezous Kristo hi o ersto, koles o Devel i moulendar djido kras.

Remarja 8:23

Oun gar kolla kokres, na-a, men ninna hi douka oun dikah o tselo djiyeha ap ko tsiro, kay vah čačepah Debleskre čave oun merah bouder gar. Ninna te hi men kanna o Debleskro Dourho an mende, dikah ap ko tsiro, kay merah bouder gar.

Mateo 13:33

Oun pale penas o Yezous lenge laba, kay i khatedo čačepen dren hi: Oun yob penas: Kote, kay o Devel i menshen pash peste gole della, te djan le ap leskro drom, hi kova yaake har pash i kotar shoutlo yarro, hoy las i djouvel oun čivas les mashkral an i baro čaro parno yarro. Oun ko tikno kotar shoutlo yarro kras ko tselo yarro shoutlo.

4. Mose 15:17

Oun o baro Devel rakras o Moseha oun penas:

3. Mose 2:12

Ap ko tsiro, kay anenn o nevo djob o baro Debleske, nay anenn t'mer shoutlo yarro oun gvin, – ap leskri rhačepaskri nay rhačrenn kova gar. Kova hi kek koova, hoy rhačedo vell, te soungell lo lačes o Debleske.

2. Mose 23:16

Rikrenn ninna bare divessa mange an ko tsiro, kay anenn o nevo djob dren. Oun bare divessa rikrenn mange ninna an ko tsiro pal i niyal, te anan i drake dren, oun lauter, hoy bares vas ap i rouka oun ap tiri phoub.

2. Mose 22:29

Yaake kress ninna tire groumyentsa oun tire bakrentsa oun bouzyentsa. Efta divessa ačenn le pash pengri date. Oun ap o orhtato dives dess len mande.

3. Mose 23:18

Pash ko maro anenn t'mer efta bakre, yek bersh phouro oun sasto, ninna yek terno gouroum oun douy morsh bakre. Kolla venn maredo oun rhačedo o baro Debleske. Khetne lentsa vell leske o rhapen dran yarro rhačedo, oun i mool glan leste vin čoredo. Oun ko lačo soungepen, hoy vell vin, soungella mishto o baro Debleske.

Nehemia 10:37

Mer anah hako phoureder morsh čaves oun hako firhes, hoy o phoureder peskri datar hi, an maro Debleskro kheer. Ninna i groumyendar oun i bakrendar anah ko phoureder pash kol rashayende, kay boudrenn an maro Debleskro kheer.

4. Mose 18:12

Ko tselo lačeder djet, oun ko lačeder mool oun djob, ninna lauterestar hoy glanstounes bares vas ap i harhetikri phoub, kova halauter, hoy yon o baro Debles dan, dau me t'mende. Koon gar pale-čiddo hi an tiro kheer nay rhal kolestar.